1.ನಾ ಸನಿಹ ಬಂದಷ್ಟೂ ,,,,
ದೂರ ಓಡುತ್ತೀಯಲ್ಲ !
ನೀ ನನ್ನ ಬಳಿ ಇಲ್ಲದಿರೆ ಏನು ?
ನಾನೊಂಟಿಯಲ್ಲ ,
ನಿನ್ನೊಂದಿಗೆ ಕಳೆದ
ಮಧುರ ನೆನಪುಗಳಿವೆ
ಗೆಳೆಯ ಸಾಕಲ್ಲ ?

1.ಎಂದೋ ಕಂಡ ಕನಸು ನೀನು
ಹೃದಯದಿ ಮುಚ್ಚಿಟ್ಟು ಕಾದಿದ್ದೆ
ನೀ ಮುಡಿಸೋ ಮಲ್ಲಿಗೆಗೆ ಹಂಬಲಿಸಿ
ಏಳು ಹೆಜ್ಜೆ ನಿನ್ನೊಂದಿಗೆ ಹಾಕುವಾಸೆಯಲಿ
ಕಾಯುತಲಿದ್ದೆ ಗೆಳೆಯಾ ….
ವ್ಯರ್ಥವಾಗಲಿಲ್ಲ ….
ಶಬರಿಯ ಕಾಯುವಿಕೆ ,
ನನ್ನದೂ ಸಹ …

2.ಅಲೆಯ ಹೊಡೆತಕ್ಕೆ ಮರಳ ಮೇಲಿನ ನಿನ್ನ 
ಹೆಸರು ಅಳಿಸಬಹುದು ,,,,,
ನಿನ್ನನ್ನೇ ಪ್ರೀತಿಸುವ ನನ್ನ 
ಹೃದಯದಲಿ ಬರೆದ
ನಿನ್ನ ಹೆಸರು ಅಳಿಸಲಾದೀತೆ ?
ಮೋಹವೇನಲ್ಲ ಜೀವನ ಪ್ರೇಮ .
ಎಲ್ಲವೂ ಬೇಕು ಬದುಕಿರುವ ತನಕ .
ನೀನೂ ನಿನ್ನ ಪ್ರೀತಿಯೂ ..

1. ಭೂಕಂಪನವಾದಾಗ ಮಾತ್ರ ಭೂಮಿ ಕಂಪಿಸುವುದಲ್ಲಾ .
ನನ್ನವ ಮುತ್ತು ಕೊಡುವೆನೆಂದಾಗ
ನನ್ನೆದೆಯಲ್ಲಿ ಸಣ್ಣಗೆ ಕಂಪನ
ತುಟಿ ಗಳು ಅದರುತ್ತವೆ
ಆಗಲೂ ಭೂಕಂಪನದ ಅನುಭವ


2.ವಿರಹದುರಿಯಲಿ ಬೇಯುತ್ತಾ
ಕೋಪದಲಿ ಧುಮುಗುಡುತ್ತಿರುವಾಗ
ಸೀಲಿಂಗ್ ಫ್ಯಾನಿನ ರಭಸ
ಗಾಳಿಯೊಂದಿಗೆ ….
ಆ ಗಾಳಿಯೂ ನುಸುಳದಂತೆ
ಬಿಗಿದಪ್ಪಿದ ನಿನ್ನ ತೋಳುಗಳು
ನಾ ತಂಪನ್ನೀವೆ
ಫ್ಯಾನಿನ ಗಾಳಿಯೇಕೆ
ಎಂದು ಸವಾಲೆಸೆದ ಕ್ಷಣವೇ …..
ನಾ ಮಂಜಾಗಿ ….
ನಿನ್ನೊಳು ಸೇರಿಹೋದೆ.