I play a role in your life but, I am not your life ಅಂದ.
ಹೂಂ ಅಂದೆ.
ಬಂದವನೂ ಅವನೇ ಅಂದು.
ಹೋಗುವುದಕೆ ಚಡಪಡಿಸಿದವನೂ ಅವನೇ.
ಬಾಗಿಲು ತೆಗೆದದ್ದು ನಾನೇ.....
...
ಬರುವಾಗಲೂ.....ಅವನು ಹೋಗುವೆ ಎಂದಾಗಲೂ.
ಇದ್ದಷ್ಟೂ ಹೊತ್ತು ಖುಷಿ ಇತ್ತು ಅನ್ನುವುದಂತೂ ನಿಜವೇ.
ಆದರೇ.....ಅಂದು ಅವನು ಬರುವಾಗ ಕಣ್ಣೀರಿತ್ತು, ಇಂದೂ ಅವನ ಕಳಿಸುವಾಗ....ಕಣ್ಣೀರೇ ನನ್ನಲ್ಲಿ.
ಕಾರಣಗಳು ಮಾತ್ರ. ...ಬೇರೆ ಬೇರೆಯದ್ದೇ.
ಗೊತ್ತು ನನಗೆ. ...ಯಾವುದನ್ನೂ ಬಲವಂತದಿಂದ ಹಿಡಿದಿಡಲಾಗದು, ಪ್ರೀತಿಯನ್ನಂತೂ ಅಲ್ಲವೇ ಅಲ್ಲ.
ಪ್ರತಿಯೊಬ್ಬರೂ ...ತೋರಿಸುತ್ತಾರೆ....ಒಲವ, ಕಾಳಜಿಯ, ಹೆಚ್ಚು ಹೆಚ್ಚು. ...ಮೊದ ಮೊದಲಲ್ಲಿ. ಅದು ಯಾವುದೇ ಸಂಬಂಧವಿರಲಿ. ಕೆಲವರು ಮಾತ್ರವೇ.... ನಿಭಾಯಿಸುತ್ತಾರೆ, ಉಳಿಸಿಕೊಳ್ಳುತ್ತಾರೆ....ಕೊನೆಯವರೆಗೂ.
ಸದ್ದಿಲ್ಲದೇ...
ಒಳ ನುಸುಳಿದವನು
ಈಗೇಕೋ .....
ಮನದ ತುಂಬಾ ....
ಗದ್ದಲವೆಬ್ಬಿಸಿದ್ದಾನೆ.
ಹಾರಾಡಲು ಬಿಟ್ಟಿರುವೆ ಹೆರಳ
ನಿನ್ನಪ್ಪುಗೆಯಲಿ ನಲುಗುವಾಗ....
ನಿನಗೂ ಕಚಗುಳಿ ಇಡಲಿ ಅಲ್ಲವೇನೋ ?
ಒಂದೊಮ್ಮೆ ತಬ್ಬಿ ..
ಮುಂಗುರುಳ ಸರಿಸಲೇನೆ ಎಂದು ಪಿಸುಗುಡುವಿಯೇನೋ ನನ್ನವನೇ ?
...
ಮೃದುವಾಗಿ ಹೆರಳೊಳಗೆ ನಿನ್ನ ಬೆರಳಾಡಿಸಬಾರದೇನೋ ?
ಕಳೆದು ಹೋಗಬೇಕಿದೆ ನಾನು
ನಾವು ಪ್ರೀತಿಸಿದವರು, ನಮ್ಮನ್ನು ಪ್ರೀತಿಸುವವರು ಒಬ್ಬರೇ ಆಗಬೇಕಂತೇನಿಲ್ಲ. ನಿಜಾ.... ಪ್ರೀತಿಸಬಹುದು ನಾವು, ಅವರ ಪ್ರೀತಿ ಪಡೆಯುವುದೂ, ಉಳಿಸಿಕೊಳ್ಳುವುದೂ ಸುಲಭವೇನಲ್ಲ. ನಾವು ಪ್ರೀತಿಸಿದವರೂ ನಮ್ಮನ್ನು ಪ್ರೀತಿಸಿದಾಗ ಒಲವೆ ಜೀವನ ಸಾಕ್ಷಾತ್ಕಾರ smile emoticon
ಜೊತೆ ಜೊತೆಗೆ ಇರಬೇಕೂ ಅನಿಸೋದು ಸಹಜ. ಸದಾ ಆಗೋಲ್ಲ ಅನ್ನೋದು ಸತ್ಯ. ದಿನದ ಇಪ್ಪತ್ತನಾಲ್ಕು ಗಂಟೆಯಲ್ಲಿ ಐದು ನಿಮಿಷ ಆದ್ರೂ ನಮಗಾಗಿ ಮೀಸಲಿಟ್ಟರೆ .... ಹೋಗ್ಲೀ ಒಂದ್ನಾಲ್ಕು ಮಾತಾಡಿದರೆ ಸಾಕು ಉಳಿದ ಸಮಯವ ... ಆ ಖುಶೀಲಿ ಕಳೆಯಬಹುದಲ್ವಾ ? ಮಧುರ ಘಳಿಗೆಗಳು ಯಾರಿಗೆ ಬೇಡ ??? ಜೀವ ಇದ್ದಾಗ .... ಸಿಕ್ಕಷ್ಟೂ ಹೊತ್ತೂ .....ಪ್ರೀತಿಸಿ ಬಿಡೂ ....ಪ್ರೀತಿ ಬಂಧನ ಆಗದಿರಲೀ .... ಬದುಕಲಿ ಚೇತನ ತುಂಬಲೀ ..
ಪ್ರೀತಿಗೆ ಬಿದ್ದರೆ ......ಅವರನ್ನು ಮೆಚ್ಚಿಸೋ ಹುಚ್ಚಲ್ಲಿ ನಾವು ಬದಲಾಗ್ತೇವೆ, ಬಹಳಷ್ಟು ಸಲ ನಮ್ಮತನ ಕಳೆದುಕೊಳ್ಳುತ್ತೇವೆ.
ಸೆಳೆಯುವ ಆಕರ್ಷಣೆ ನನದಲ್ಲ...
ಹಿಡಿದಿಡುವ ಶಕ್ತಿಯೂ ನನಗಿಲ್ಲ. ..
ಮೊಗೆದಷ್ಟೂ ಒಲವಿದೆ...ನಿನಗೆಂದೇ ಮಿಡಿಯುವ ಹೃದಯವಿದೆ
ಪಡೆಯುವ ಹಂಬಲ ನಿನದೇ.....ಅರಿತಿಲ್ಲ
ಬದುಕುವಾಸೆ ತುಂಬಾ ಕಣೋ....
...
ಎದೆಬಡಿತ ಹೆಚ್ಚಿಸಿದವನು ನೀನು.....ನಿಲ್ಲುವವರೆಗೂ ಇದ್ದುಬಿಡೋ....
ಸಂಬಂಧಗಳೇ ಹಾಗೆ. ....ಯಾವಾಗ. ..ಯಾರೊಡನೆ....ಯಾಕಾಗಿ....ಬೆಸೆಯುವುದೋ...???
ಕಣ್ಣು ತೆರೆದರೂ....ನೀನು
ಮುಚ್ಚಿದರೂ ಕಾಣಿಸೋದು ನೀನೇ...ನಿಜಾ
ಕನಸು ಮನಸುಗಳ ಆವರಿಸಿಹ
ನೀ ಜೊತೆಗೆ ಇರದಿರುವಾಗ. ...
ಕ್ಷಣ ಒಂದು ಯುಗ ...
ನನಗೆ ಸಜಾ.
ನಿನ್ನ ನೆನಪುಗಳ ಹರವಿಕೊಂಡು ಕುಳಿತಿದ್ದೇನೆ ಕಣೋ ...
ಒಮ್ಮೊಮ್ಮೆ ಕಣ್ಣೀರಲ್ಲಿ ಒದ್ದೆ,
ಮಗದೊಮ್ಮೆ ತುಟಿಗಳಲಿ ನಗು ....
ದೂರ ನಿಂತೇ ....
ಸತಾಯಿಸು ಪರವಾಗಿಲ್ಲ,...
ಅಗಲಿಕೆ ಸಾಕಾದಾಗಲೇ
ಸನಿಹದ ಸವಿ ಸಿಗಲಿ
ನಿನ್ನ ಪ್ರೀತಿಸುವ ಈ ಪರಿ ನನಗೇನೂ ಹೊಸದಲ್ಲ ಬಿಡೋ
ನನ್ನೊಲವಿಗೆ ನೀ ಸೋತಿರುವುದೂ ನಾ ಬಲ್ಲೆ
ತೋರಿಸಿಕೊಳ್ಳದ ಬಿಗುಮಾನ ನಿನ್ನದು!!
ಹೇಳೋ .....
ಪ್ರೀತಿಯಲ್ಲಿ ಸೊಲುವುದೂ ಗೆಲುವೇ ಅಲ್ಲವೇನೋ ?
ನನ್ನ ಬೇಕು-ಬೇಡಗಳ ಅರಿತಿರುವ ಅವನಲ್ಲಿ...
ನಾನೇಕೆ ಬೇಡಲಿ?
ಸಿಕ್ಕಷ್ಟೇ ನನ್ನದು, ಸಿಗದಿರುವುದಕೆ ನಾನೇಕೆ ಕೊರಗಲಿ?
ಬಲವಂತದಿಂದ ಏನನ್ನಾದರೂ ಪಡೆಯಬಹುದೇನೋ.....
ಪ್ರೀತಿಯನ್ನಂತೂ ಖಂಡಿತಾ ಅಲ್ಲ.
ಕಣ್ಣು ತೆರೆದು, ಹೊದಿಕೆಯ ಸರಿಸಿ. ..
ಅಂಗಳಕ್ಕೆ ಬಂದೆ...
ಮಂಜಿನಲಿ ಮಿಂದ ...ಅರೆ ಬಿರಿದ ಹೂ!!!
ಅವನ ನಗೆಯ ನೆನಪು ತಂದಿತು
ಇನ್ನಿರುವುದು......
ಕಾಯುವಿಕೆ.....
ಅವನಾಗಮನಕೆ.
ಕೆಲವು ಸುಂದರ ಕ್ಷಣಗಳೇ ಹಾಗೆ.....
ಕನಸೇನೋ ಎಂಬಂತೆ ಘಟಿಸುತ್ತವೆ....
ಎದೆಯಲ್ಲಿ ಅಚ್ಚಾಗಿಬಿಡುತ್ತವೆ.
ಅವನ ಕಂಡಿದ್ದು. ..
ಆ ತಿಳಿನಗುವಿಗೆ ತಿಳಿಯದಂತೆ ಶರಣಾಗಿದ್ದು.......
ಅವನೂ ನನ್ನೊಲವಿನ ವಶವಾಗಿದ್ದು...
ನಿಜಾನಾ?
ಈ ಜೋಭದ್ರ ವಾತಾವರಣದಲ್ಲಿ ....
ಬಳಿಯಿರದ ಅವನ ಬೇಕು ಎನುವ ಹಠಗಳಲ್ಲಿ ...
ನಲುಗುವಾಗ ...
ಅವನ ನೆನಪುಗಳ ಹರಡಿಕೊಂಡು
ನಗುವ ನಾನವನ ಪ್ರೇಮಿ....
ಮಳೆ ಸುರಿಯಲು .... ಮತ್ತು ಬೆಚ್ಚಗಾಗಲು ...
ಅವನ ಬರುವಿಕೆಗೆ ನಾ ಕಾಯಲೇಬೇಕು.
ಹತ್ತಿರ ಹೋದರೆ. ....
ಅತೀ ಎಂದು ಹೀಕರಿಸಿದರೇ ?
ದೂರ ಇರಲು....
ಮರೆತಳೇನೋ ನನ್ನ, ನಾ ಬೇಡವೇನೋ ಎಂದುಕೊಂಡರೆ?
ಯಾವ ಅಂತರದಲ್ಲಿ ಇರಲೋ????...
ಸದಾ ಆತಂಕ.
ನನಗೆ ಗೊತ್ತಿರುವುದು ಇಷ್ಟೇ. ...
ಮೆಚ್ಚಿಕೊಂಡವನ ಹಚ್ಚಿಕೊಳುವುದು
ಇಲ್ಲಾ.... ಮರೆತಂತೆ ನಟಿಸಿ.....ದೂರವುಳಿದು
ಮನದಲ್ಲೇ ಮುಚ್ಚಿಟ್ಟುಕೊಳುವುದು.
ಸಾಕು ....
ಕಂಡರೇ.....ದಿನದಲ್ಲೊಮ್ಮೆ ಅವನ ಹೂನಗೆ
ದಿನವೆಲ್ಲಾ ಉಲ್ಲಾಸವೆನಗೆ
ಬಾಯಾರಿದಾಗ....
ತಿಳಿಯಾದ ಸಿಹಿ ನೀರ ಕುಡಿದಂತೆ ...
ಮಾತೇನಾದರೂ ಆಡಿದರೇ...
ಅಚಾನಕ್. .. ಚಿಪ್ಪಿನೊಳಗಿನ ಮುತ್ತುಗಳು
ದೊರೆತ ಖುಷಿ.
ಎಲ್ಲವನೂ. ....ಎದೆಯಲ್ಲಿ ಬಚ್ಚಿಟ್ಟು. ....
ಆಗಾಗ್ಗೆ ಹೊರತೆಗೆದು....
ಸಂಭ್ರಮಿಸುವ ಅವನ ಪ್ರೇಮಿ ನಾ.
ಕವಿದ ಕಾರ್ಮೋಡ ಕರಗಿ
ಸುರಿದ ಮಳೆಗೆ......
ಎಲ್ಲವೂ......ತಣ್ಣಗೆ.
ನನ್ನವನು ಚಂದಿರನಂತಹ ಹುಡುಗ
ಒಲವ ಸುರಿವಾಗ.....ಶೀತಲ
ಅದೇಕೋ. ..
ಒಮ್ಮೊಮ್ಮೆ ಕೋಪದ ಮೋಡಗಳ ಹಿಂದೆ ಮರೆಯಾಗುವ!
ತಾರೆಗಳು ಎಷ್ಟಿದ್ದರೇನು ?...
ಬೇಕಿರುವುದು ಬೆಳದಿಂಗಳು
ಪ್ರೀತಿಸುವವರಿಂದ ನಿರೀಕ್ಷೆ
ನಿರೀಕ್ಷೆ ಫಲಿಸದಾಗ ಅಸಹನೆ
ಅಸಹನೆಯ ಕಾರಣದಿಂದ ಕೋಪ
ಕೋಪಗೊಂಡಾಗ ಆಡಿದ ಮಾತು ....ಜಗಳ
ಜಗಳದಿಂದ ಮುನಿಸು...
ಮುನಿಸು....ಮೌನ ತಾಳಿದಾಗ. ..
ಧೀರ್ಘಕಾಲದ ಮೌನದ ಪರಿಣಾಮ. ...
ಸಂಬಂಧಗಳ ಕೆಡಿಸದಿರಲೀ.....
ಹೌದು. ..ತಾಳ್ಮೆ ಬೇಕು
ಪಡೆದ ಪ್ರೀತಿ ಕೆಡದಂತೆ ನೋಡಿಕೊಳ್ಳಬೇಕು
ಸವಿ ಮಾತುಗಳಲ್ಲಷ್ಟೇ ಪ್ರೀತಿ ಇರೋಲ್ಲ. ...ಜಗಳದಲ್ಲೂ ಪ್ರೀತಿ ಇರುತ್ತೆ
ಅರ್ಥವಾದೀತೇ ??????
ಇಂದು ಹುಣ್ಣಿಮೆ, ತಣ್ಣನೆಯ ಚಂದಿರ ಕಾಣಲಿಲ್ಲ
ಮಳೆ ಸುರಿಸದ ಮೋಡಗಳು ಅವನ ಮರೆಯಾಗಿಸಿವೆಯಲ್ಲ!
ಹಗಲಿನಲಿ ಕಾಣೆಯಾದ ದಿನಕರ
ಇರುಳಿನಲಿ ಮರೆಯಾದ ಚಂದಿರ
ಉಳಿದಿರೋದು ಮನದ ತುಂಬಾ ಬೇಸರ ......
ಏನು ಮಾಡಲೀ ????
ಅವನ ನೆನಪುಗಳನ್ನು ಆಹ್ವಾನಿಸುತ್ತೇನೆ ಜೊತೆಯಾಗಿರಲು smile emoticon
ದಿನಗಳೆದಂತೆ ಎಲ್ಲವೂ ಹಳೆತಾಗುತ್ತದೆ...
ಆದರೇ. .....
ದಿನೇ ದಿನೇ. ..
ಅವನ ಸಂಗ ಆಪ್ತವಾಗುತ್ತಿದೆ
ಅವನ ಪ್ರೀತಿ ಮತ್ತಷ್ಟು ಬೇಕು ಎನಿಸುತಿದೆ...
ಯಾಕೋ?
ಅವನ ಹಂಬಲಿಸುವ ಹೃದಯ ನನದು
ದೂರವೇ ಉಳಿದು ಕಾಡಿಸುವ ತುಂಟತನ ಅವನದು
ಸಹನೆಯಲಿ ಒಲಿಸಿಕೊಳುವ ನನದು ಒಲುಮೆಯೋ....
ಅವನ ಪಡೆಯುವ ಹಠವೋ ...
ನಾನರಿಯೆ
ಅವನು ಹಾಗೇ .... ಕಾಯಿಸುತ್ತಾನೆ....
ಮರೆಯಲ್ಲೇ ನಿಂತು ನಗುತ್ತಾನೆ...
ಬಾ ಎಂದು ಎಷ್ಟು ಗೋಗರೆಯಬೇಕೋ ... ??
ವಿರಹದಿ ಅವನ ಜಪಿಸುವಾಗ ನಾ ರಾಧೆ.
ಮಿಂಚಂತೆ ಸುಳಿದು, ಬಿಗಿದಪ್ಪುವಾಗ ... ನಾ ಯಮುನೆ
ಕಣ್ಗಳಲಿ ನೀರು... ತುಟಿಗಳ ನಗುವಿರುವಾಗ ....
ಆಹಾ ಕಾಮನ ಬಿಲ್ಲು ಎಂದು ಮುತ್ತಿಡುವ
ಅವ ..... ನನ್ನವ... ನಿಸ್ಸಂದೇಹ
ಬಚ್ಚಿಟ್ಟಷ್ಟೂ ಬಹಿರಂಗಕ್ಕೆ ಬರಲೆತ್ನಿಸುವುದು
ಹೊಚ್ಚಿಟ್ಟಷ್ಟೂ ಹೊತ್ತಿ ಉರಿಯುವುದು ..........
ಪ್ರೀತಿ ಪ್ರೇಮಗಳ ಗುಣ ಅಥವ ದೌರ್ಬಲ್ಯ ಅಂತೇ!!!!!
ನನ್ನ ಮನದ
ಖಾಲಿ ಪುಟಗಳಲಿ ಬರೆದ
ನಿನ್ನ ನೆನಪುಗಳ
ಅಳಿಸೀ ....ಅಳಿಸೀ....
ಅಳುತ್ತಿರುವೆ.
...
ಕಣ್ಣೀರಿನಲಿ ತೋಯ್ದು
ಮಾಸಿದ ಪುಟಗಳು ,
ನನ್ನ ನೋಡಿ ನಗುತ್ತಿವೆ .
See More
ಪದೇ ಪದೇ ...ನಿನ್ನೊಲವ ವರ್ಷ ಧಾರೆಯಲಿ ತೋಯದಿರೆ
ನನ್ನೊಳಗಿನ ಮೃದು ಭಾವನೆಗಳು
ಮುರುಟುತ್ತವೆ ಕಣೋ
ಹೇಳೋ ನನ್ನವನೇ
ನೀನೇ ಚಿಗುರಿಸಿದ ಪ್ರೀತಿ ವಲ್ಲರಿ ಬಾಡದೇನೋ?...
ಒಣಗಿದ ನನ್ನಧರಗಳ ನೋಡು...
ಮುತ್ತಿನ ತೇವ ಬೇಡಿವೆ
ಬಾಹುಗಳು ಬಂಧನವ ಬಯಸಿವೆ
ನಿನಗೆ ತಿಳಿಯದೇನೋ ?
ನನ್ ಹುಡುಗ ಇಲ್ಲೇ ಎಲ್ಲೋ ಇದ್ದೀ...
ಸತಾಯಿಸದೇ ಬಂದು
ಬಿಗಿದಪ್ಪಿ....
ದಾರಾಳತನ ತೋರಬಾರದೇನೋ?
ನಾ ಅವನ್ಹೆಸರ ಪಿಸುಗುಟ್ಟರೂ ಸಾಕು
ನನ್ನತ್ತ ದೃಷ್ಟಿ ಬೀರುತ್ತಾನೆ!
ಮುದ್ದಾಗಿ ಮುಗುಳ್ನಗುತ್ತಾನೆ ತುಂಟ
ಬೇಕಿಲ್ಲ ಸವಿಮಾತುಗಳು ಬಿಡಿ
ಆ ನಗೆಯ ಎದೆಯೊಳಗೆ ಮುಚ್ಚಿಡುವೆ...
ನಡುಗಿಸುವ ಚಳಿಯಲ್ಲಿ...
ಬೆಚ್ಚಗೆ ಹೊದ್ದು ಮಲಗುವ ಖುಷಿ.
ಹೇಯ್ ಆತ್ಮಸಖ.....
ಬಿರಿದ ನಗುವಿನ ತುಟಿಯಂಚಿನಲಿ
ನೀನಿಲ್ಲವೆಂಬ ಕೊರತೆ
ಕಾಡುವಾಗ....
ಮೊಗವು ಸುಂದರ ಎನಿಸೀತಾದರೂ ಹೇಗೆ? ...
ಬಟ್ಟಲು ಕಂಗಳೇನೋ ನಿಜಾ
ಕನಸುಗಳು ಬರಿದಾಗಿವೆಯಲ್ಲ?
ಹೊಳಪು ಕಂಡೀತಾದರೂ ಹೇಗೆ?
ಕೊಟ್ಟಂತೆ ಮಾಡಿ ಒಲವ
ನೀನು ದೂರವಿರಲು, ವಿರಹದಲಿ
ನಾನು ಬದುಕುವುದಾದರೂ ಹೇಗೆ?
ಬರೀ ಮೋಡ......ಎಲ್ಲೆಲ್ಲ್ಲೂ ....
ಸುರಿಯಬಾರದೇ ಮಳೆ ?
ತಣಿಸಲಿ ನನ್ನ, ಜೊತೆಗೆ ಇಳೆ
ಕೊಡೆ ಬಿಚ್ಚಿ ನೀರಲ್ಲಿ
ಕಾಲು ನೆನೆಸುತ್ತಾ ನೆಡೆಯುವಾಗ .....
...
ಮಲೆನಾಡ ಮಡಿಲಲ್ಲಿ ಕಳೆದ ಬಾಲ್ಯ ಮರುಕಳಿಸಲಿ .....
ಹರಿವ ನೀರಲ್ಲಿ ಕಾಗದದ ದೋಣಿ
ತೇಲಿಸಿದ ನೆನಪು
ಕಾಡಿದೆ ...
ಇಂದೂ ಬಾರದ ಮಳೆಯ ಜೊತೆ
ಕಳೆದ ಸುಂದರ ದಿನಗಳು .
ಎಲ್ಲೆಲ್ಲೂ ಮೋಡ.....
ಕವಿದಿದೆ ನನ್ನ ಮನಕ್ಕೂ .
ಕಪ್ಪು ಮುಗಿಲು ಕರಗಲಿ
ಸುರಿಯಲಿ ಜಲಧಾರೆ .
ಪುಳಕಗೊಳ್ಳಲಿ ನನ್ನ ಹೃದಯ , ಧರೆ.
(ವೇಣು ಗೋಪಾಲ್ ಸರ್ ಅವರ ಕೋರಿಕೆಗೆ ಸ್ಪಂದಿಸಿ, ಒಂದು ಮಳೆಯ ಕವನ ಬರೆಯುವ ಯತ್ನ )
ಪ್ರೀತಿಯಿಂದ ಕರೆದರೇ......
ಆ ದೇವರೂ ಬರುತ್ತಾನಂತೆ! !!
ನನ್ನ ಪ್ರೀತಿಯ ಕರೆ ಕೇಳದೇನೋ?
ಕರೆದಾಗ ಬರಬಾರದೇನೋ?
ನಿನ್ನ ನೋಡುವಾಸೆ ಕಣೋ ನನ್ನವನೇ...
ನಿನ್ನ ನೆನೆಯದ ಕ್ಷಣವಿಲ್ಲ.....
ಆದರೇ ನೀನೇ ಬೇಕೆಂದು ಹಂಬಲಿಸುವಾಗ....
ಮನ ಮಂಕಾಗುವುದು ನಿಜಾ.
ಕಲಿಸಬಾರದಿತ್ತು ನೀನು ಪ್ರೀತಿಸುವುದನು.....
ಮರೆಯಾಗಲೇಬಾರದಿತ್ತು ಹೀಗೆ. ..
...
ಕತ್ತಲಲ್ಲಿ ನನ್ನೊಬ್ಬಳನೇ ಬಿಟ್ಟು.
ನನ್ನ ಮನದಂಗಳದಲ್ಲಿ ಬೆಳದಿಂಗಳು ಚೆಲ್ಲಿದೆ
ಹೌದು ನನ್ನವನೇ ಅವನು. ..ಮುದ್ದು ನಗೆಯ ಚೆಲುವ!
ಆ ಚೆಲುವನ ಚಂದದ ಪದಗಳಲಿ ಹೊಗಳುವಾಸೆ ನನಗೆ
ಒಂದಷ್ಟು ಪದಗಳ ಹುಡುಕಿಕೊಡುವಿರಾ ...
ಯಾರಾದರೂ ...ದಯವಿಟ್ಟು. ...
ನನ್ನ ಸುತ್ತಲೂ ....
ಒಂದೊಂದೇ ಇಟ್ಟಿಗೆಯ ಜೋಡಿಸಿದೆ.
ಎತ್ತರೆತ್ತರಕ್ಕೆ ಗೋಡೆಯಾಯ್ತು.
ಬಾಗಿಲಿಡುವುದನು ಮರೆತಿದ್ದೆ!
ಕೊನೆಗೆ .... ಆಚೆ ದಿಟ್ಟಿಸಲು ಕಿಟಕಿಯನ್ನಾದರೂ ಇಡಬಹುದಿತ್ತು.... ...
ಒಂದಿಷ್ಟು ಬೆಳಕಾದರೂ ಒಳ ನುಸುಳುತ್ತಿತ್ತು
ಆ ಕ್ಷಣಕ್ಕೆ ಏಕಾಂತವೇ ಹಿತವೆನಿಸಿದ್ದು ಸುಳ್ಳೇನಲ್ಲ.
ದಿನಗಳದಂತೆ..... ಕತ್ತಲಿಗೆ ಹೊಂದಿಕೊಳ್ಳಬೇಕಿತ್ತು ಕಣ್ಣುಗಳು, ನನ್ನ ಮನವೂ ಸಹಾ ....
ಆದರೇ ..... ನಿಜಾ ಅದಲ್ಲ!!!
ಹೌದು ....
ಈಗ ಬೆಳಕಿಲ್ಲ, ಕೋಣೆಯೊಳಗೆ ನಾನೊಬ್ಬಳೇ ಎಂದು ಹಲುಬುವುದರಲ್ಲಿ ಅರ್ಥವಿಲ್ಲ.
ಗೋಡೆಯೊಳಗೆ ನಾನಿರುವುದರ ಅರಿವು ಯಾರಿಗಾದರೂ ದೊರೆತು, ಭೇದಿಸಿ ಒಳ ಬಂದಾರು ಎಂಬ ಅದೃಷ್ಟದ ನಿರೀಕ್ಷೆ ಮಾಡಬೇಕು.
ಅಥವಾ ... ನಾನೇ ಕಟ್ಟಿದ ಗೋಡೆಯ ಒಡೆಯಲು ನನಗೆ ತ್ರಾಣ ಇದೆಯೇ ಎಂದು ಪರೀಕ್ಷಿಸಬೇಕು ಅಷ್ಟೇ .....
ನನ್ನ ಸುತ್ತಲೂ ....
ಒಂದೊಂದೇ ಇಟ್ಟಿಗೆಯ ಜೋಡಿಸಿದೆ.
ಎತ್ತರೆತ್ತರಕ್ಕೆ ಗೋಡೆಯಾಯ್ತು.
ಬಾಗಿಲಿಡುವುದನು ಮರೆತಿದ್ದೆ!
ಕೊನೆಗೆ .... ಆಚೆ ದಿಟ್ಟಿಸಲು ಕಿಟಕಿಯನ್ನಾದರೂ ಇಡಬಹುದಿತ್ತು.... ...
ಒಂದಿಷ್ಟು ಬೆಳಕಾದರೂ ಒಳ ನುಸುಳುತ್ತಿತ್ತು
ಆ ಕ್ಷಣಕ್ಕೆ ಏಕಾಂತವೇ ಹಿತವೆನಿಸಿದ್ದು ಸುಳ್ಳೇನಲ್ಲ.
ದಿನಗಳದಂತೆ..... ಕತ್ತಲಿಗೆ ಹೊಂದಿಕೊಳ್ಳಬೇಕಿತ್ತು ಕಣ್ಣುಗಳು, ನನ್ನ ಮನವೂ ಸಹಾ ....
ಆದರೇ ..... ನಿಜಾ ಅದಲ್ಲ!!!
ಹೌದು ....
ಈಗ ಬೆಳಕಿಲ್ಲ, ಕೋಣೆಯೊಳಗೆ ನಾನೊಬ್ಬಳೇ ಎಂದು ಹಲುಬುವುದರಲ್ಲಿ ಅರ್ಥವಿಲ್ಲ.
ಗೋಡೆಯೊಳಗೆ ನಾನಿರುವುದರ ಅರಿವು ಯಾರಿಗಾದರೂ ದೊರೆತು, ಭೇದಿಸಿ ಒಳ ಬಂದಾರು ಎಂಬ ಅದೃಷ್ಟದ ನಿರೀಕ್ಷೆ ಮಾಡಬೇಕು.
ಅಥವಾ ... ನಾನೇ ಕಟ್ಟಿದ ಗೋಡೆಯ ಒಡೆಯಲು ನನಗೆ ತ್ರಾಣ ಇದೆಯೇ ಎಂದು ಪರೀಕ್ಷಿಸಬೇಕು ಅಷ್ಟೇ .....