ಗೆಳೆಯ

ನನ್ನ ಪ್ರೀತಿಯ ಮುದ್ದು ಗೆಳೆಯ 
ಅದೆಷ್ಟು ಕ್ರೂರ ನಿನ್ನ ವಿದಾಯ !
ನೀ ಬಂದ ಸಂತಸಕೂ ಮಿಗಿಲಾಗಿ 
ಬಂದಲ್ಲಿಗೇ ಮರಳುತ್ತೀಯೆಂಬ ಭಾವನೆ .
ನಾ ತಾಳಲಾರೆ ನೀ ದೂರ ಹೋದಾಗ 
ನಿನ್ನ ಅಗಲಿಕೆಯ ವೇದನೆ .
ಅಳತೆಗೂ ಸಿಗದ ಅಗಾಧ ಪ್ರೀತಿ 
ಮಾತಿಗೆ ನಿಲುಕದ ಮಧುರ ಅನುಭವ .
ಹೇಗೆ ಹೇಳಲಿ ಗೆಳೆಯ ವಿರಹವ 
ಊಹೆಗೂ ಸಿಲುಕದ ನನ್ನ ನೋವ .
ನೀ ಮರೆಯಾಗುವಾಗಿನ ನೋಟ
ನನ್ನ ಕಂಬನಿಯಲಿ ಮಸುಕಾಯ್ತು .
ಸದಾ ನಿನ್ನೊಂದಿಗಿರುವ ಬಯಕೆ
ನಲ್ಲ,ನಿನ್ನೊಲವೇ ನನ್ನುಸಿರಾಯ್ತು .
ತೋಳಲಿ ಹುದುಗಿದಾಗಿನ ಮನದ ಪ್ರಶಾಂತತೆ
ಕಂಗಳಲಿ ತುಂಬಿದ ಪ್ರೀತಿ ಸರೋವರ
ಅಪ್ಪಿ ಚುಂಬಿಸಿದಾಗಿನ ಸವಿನೆನಪು
ಹೇಗೆ ಸರಿದೀತು ನನ್ನ ಹೃದಯದಿಂದ ?
ನಾ ನಿನ್ನೊಂದಿಗಿನ ಕಳೆದ ಕ್ಷಣಗಳನು
ಹುಡುಕುತ್ತಿರುವೆ ಕಣ್ಣೀರ ಹನಿಗಳಲಿ .
ಮತ್ತೆಂದು ಬರುವೆ ನೀನೊಂದಾಗಲು
ಕಾದಿರುವೆ ನಿನ್ನ ತೊಳ್ತೆಕ್ಕೆ ಸೇರಲು .