'ಕಾಯುವುದು ಕಷ್ಟ ಆದರೂ ಅನಿವಾರ್ಯ'.
ಆದರೇ.......
ಕೆಲವೊಂದು ಕಾಯುವಿಕೆ ಎಂತಹಾ ಸೊಗಸು !!!!!
ಪ್ರಿಯನ ಬರುವಿಕೆಗಾಗಿ ಕಾಯುತ್ತಾ ಅನುಭವಿಸುವ ತಳಮಳ!!!
ನವಮಾಸ ಯಾವಾಗ ತುಂಬುವುದೋ ಎಂದು ಕಂದನ ಆಗಮನಕ್ಕೆ ಕಾಯುವ ಅಮ್ಮ !!!...
ಮೊದಲ ಮಳೆಹನಿಗಾಗಿ ಮುಗಿಲ ನೋಡುತ್ತಾ ಕಾಯುವ ತವಕ!!!
ಮನೆಯಂಗಳದಿ ಸಸಿಯೊಂದ ನೆಟ್ಟು ಹೂ ಬಿಡುವುದ ಕಾಯುವ ಸಂಭ್ರಮ !!!
ಅಮ್ಮಾ ಕಾಯ್ತಾ ಇರ್ತಾಳೆ ಅಂತಾ ಹಬ್ಬಕ್ಕೆ ಊರಿಗೆ ಹೊರಡುವ ಸಂತಸ!!!
ನಾವು ಆಚೆ ಹೋಗಿ, ಮನೆಗೆ ಬಂದಾಕ್ಷಣ ಬಾಲ ಅಲ್ಲಾಡಿಸಿ ಕಾಯ್ತಾ ಇದ್ದೆ ಎಂದು ಪ್ರೀತಿ ತೋರುವ ನಾಯಿ !!!
ಏನೋ ಒಂದು ಹೊಸತಿಗೆ ಕಾಯುವ ಮನ !!!
ಬೆಳಗ್ಗೆ ನನ್ ಪುಟ್ಟ ರಿಷಿ ಕಣ್ ಬಿಡುವ ಮೊದಲೇ ನನ್ನವರು ಆಡಲಿಕ್ಕೆ ಹೋದರೇ, ಬರುವಾಗ ಮಗ ಶಾಲೆಗೆ ಹೋಗಿಯಾಗಿರುತ್ತೆ. ಸಂಜೆ ಶಾಲೆಯಿಂದಾ ಬಂದ ಮೇಲೆ, ಡ್ಯಾಡಿ ಯಾವಾಗ ಬರುತ್ತೆ ....ಅನ್ನೋ ರಾಗ. ಬೇಗ ಬೇಗ ಹೋಂ ವರ್ಕ್ ಮುಗಿಸಿ ಕಾಯ್ತಿರುತ್ತೆ. ಕಾರ್ ಶಬ್ದ ಕೇಳಿದಾಕ್ಷಣ ಅದರ ಸಂತೋಷ ಹೇಳತೀರದು. ಮಗ ಕಾಯ್ತಿದಾನೆ ಅಂತಾ ಆದಷ್ಟು ಬೇಗ ಬರುವ ಅಪ್ಪ.ಏನೇ ಆಯಾಸವಿರಲಿ, ಸ್ವಲ್ಪ ಹೊತ್ತು ಆಟ. ಹೌದು ಕುಟುಂಬಕ್ಕಾಗಿ ದುಡಿಯುವುದಷ್ಟೇ ಅಲ್ಲ, ಒಂದಿಷ್ಟು ಸಮಯ ಕೊಡುವುದೂ ಸಹ ಅಷ್ಟೇ ಮುಖ್ಯ.
ನೆನ್ನೆ ನನ್ನ ಹಿರಿಯ ಮಿತ್ರರೋರ್ವರ ಜನುಮ ದಿನ. ಅವರಿಗೆ ನಾ ವಿಶ್ ಮಾಡಿದ್ದು ಕೊಂಚ ತಡವೇ:( ನಿಮ್ಮ ವಿಷೆಸ್ ಗೆ ಕಾಯ್ತಾ ಇದ್ದೆ, ಈಗ ಸಮಾಧಾನ ಆಯ್ತು ಎಂದಾಗ ನನಗೆ ಪೆಚ್ಚು ಪೆಚ್ಚು.
ನಮ್ಮವರು ನಮ್ಮ ಮಾತಿಗೆ, ನಮ್ಮನ್ನು ನೋಡೋದಕ್ಕೆ, ನಮ್ಮ ಬರುವಿಕೆಗೆ ಕಾಯ್ತಾ ಇದ್ದಾರೆ ಅನ್ನೋದು ಖಂಡಿತಾ ಬಂಧನ ಅಲ್ಲ. ಅವರಿಗೊಂದಷ್ಟು ಸಮಯ ನಮ್ಮಿಂದಾ ಕೊಡುವುದಾದರೆ ಎಂತಹಾ ಚೆಂದ!!!
'ನನಗಾಗಿ ಇದ್ದಾರೆ, ನನಗಾಗಿ ಕಾಯ್ತಾ ಇರ್ತಾರೆ' ಎನ್ನುವ ಈ ತರಹದ ಭಾವ ನನಗೆ ಖುಷಿ ಕೊಡುತ್ತೆ.