ನನ್ನ ಪುಟ್ಟ ಮಗ ನನ್ನ ಪ್ರಪಂಚ.
ಮೊನ್ನೆ ಇಂದ ಟೆಸ್ಟ್ ಶುರುವಾಗಿದೆ. ಅವನು ಆರಾಮಾಗಿದ್ದಾನೆ , ಟೆನ್ಶನ್ ಮಾತ್ರಾ ನನ್ನದು. ಒಂದೆಡೆ ಕೂರಿಸಿ ಓದಿಸಿ, ಬರೆಸುವುದು ಅಷ್ಟು ಸುಲಭವಲ್ಲ.ಸರಿಯಾದಾಗೆಲ್ಲಾ....ಮುತ್ತು ಕೊಟ್ಟು ಶಭಾಷ್ ಮಗನೆ ಅನ್ನಬೇಕು. ತಪ್ಪಾದಾಗ ...ಬಡ್ಕೊಂಡು ತಿದ್ದಬೇಕು smile emoticon ನನಗೂ ಒಂದು ಕಡೆ ಕೂರೋಕೆ ಕಷ್ಟಾನೆ. ನೆನ್ನೆಯೂ ಹಾಗೆ ....ಅವನಿಗಿಷ್ಟವಾದ ಸಬ್ಜೆಕ್ಟ್ ಜನರಲ್ ಸೈನ್ಸ್ ಚಕಚಕಾಂತ ಓದಿಸಿ ನಿರುಮ್ಮಳವಾಗಿ ....ಕೆಲವು ಪದಗಳ ಅಭ್ಯಾಸಕ್ಕೆ ಬರೆಯಲು ಹೇಳಿ, ಅಬ್ಬಾಬೆನ್ನು ನೋಯ್ತಿದೆ ಮಗನೆ ಎಂದು ಸೋಫಾಕ್ಕೆ ಒರಗಿದೆ. ಅಮ್ಮಾ ನಂಗೂ ಬೆನ್ನು ನೋವು ಎಂದು ಮೂತಿ ಮುಂ...
ದಕ್ಕೆ ಮಾಡಿತು. ನಿಂಗೇನು ಆಗಿದ್ಯೋ ಎಂದು ಸಿಡುಕಿದೆ. ನಿಂಗೇನಾಗಿದೆ ಎಂದು ಮರು ಪ್ರಶ್ನಿಸಿತು. ನನಗೆ ವಯಸ್ಸಾಗಿದೆ ಕಣೋ ಎಂದೇ. ಪಕ ಪಕನೇ ನಕ್ಕಿತು, ಅಮ್ಮಾ ಜೂಟ್ ಬೊಲ್ತಿಯ ಅಂತೂ. ಸುಮ್ನೆ ನೋಡಿದೆ ...ನಿನಗೆ ಹೇರ್ಸ್ ಕಾಲಾ ಇದೆ!!! ನೀನು ನನ್ನ ಹಾಗೇ ಶಾರ್ಟ್ಸ್, ಟೀ ಶರ್ಟ್ ಹಕ್ಕೊಂಡಿದ್ದಿ? ಬ್ಯೂಟಿಫುಲ್ ಇದ್ದಿ, ಅಚ್ಚಾ ಖಾನಾ ಮಾಡ್ತಿ, ನನ್ನ ಕೇರ್ ಮಾಡ್ತಿ, ಜವಾನ್ ಇದ್ದೀ ,ಏಳು ಅಮ್ಮ ಸುಳ್ಳು ಹೇಳಬೇಡಾ ಎಂದು ಅನ್ನಬೇಕಾ ?
ಮಗನಿಗೆ ಯಾವತ್ತೂ ಅಮ್ಮ ಸುಂದರಿಯೇ ..... ಕಣ್ಣು ತೆರೆದು ಮೊದಲು ಕಂಡ ದೇವತೆ ಅವಳೇ ಅಲ್ವಾ ?
ಆಯಾಸ ಮರೆಯಾಯ್ತು .... ಮಕ್ಕಳು ನಮ್ಮ ಬದುಕಲ್ಲಿ ಉತ್ಸಾಹ ತುಂಬಿದರೆ ....ಎಷ್ಟು ಚೆಂದ ಅಲ್ವಾ ?
ನಿನಗಾಗಿ ಇನ್ನಷ್ಟು ಸ್ಟ್ರಾಂಗ್ ಆಗಿ ಬದುಕುವ ಅಗತ್ಯವಿದೆ ಕಂದ ಎಂದು ಎದ್ದು ಟ್ರೇಡ್ ಮಿಲ್ ತುಳಿಯೋಕೆ ಹೊರಟೆ.

ಮಳೆ ಬರುವಾಗ......
ಅದೆಷ್ಟು ಪ್ರೇಮ ಕಾಮಭರಿತ ಪದ್ಯಗಳ ಜನನ !!!
ಈಗ .. ಶೀತದಲಿ...ತಲೆನೋವಿನಲಿ...ಕೆಮ್ಮಿನಲಿ...
ಹುದುಗಿಹೋಯ್ತು
ಜ್ವರದ ಸುಡುವಿಕೆಯಲಿ ......
ಅವನಿತ್ತ ಶಾಖದ ನೆನಪು
ಕಳೆದು.....
ಎಲ್ಲವೂ ....ಖಾಲಿ...ಖಾಲಿ....
ಬಾಯಲ್ಲಿ ಕಹಿ ಮಾತ್ರಾ ಉಳಿದಿದೆ
ಸಾಕೆನಿಸಿದೆ ....ಈ ಮಳೆ .....ನಿಜಾ .....
ಬೇಕವನು ನನಗೂ ....ನೋಡುವಾಸೆ... .... "ಸೂರ್ಯ".

ಒಪ್ಪಿಕೊಂಡ ಮೇಲೆ. ...
ಅಪ್ಪಿಕೊ ಅಷ್ಟೇ. ...ಪರೀಕ್ಷಿಸಬೇಡ.
ಸದಾ ಜೊತೆಗಿರುವ ಸುಖ ಇರದಿದ್ದರೂ ...
ನಿರ್ಲಕ್ಷ್ಯದ ನೋವು ನೀಡಬೇಡ.


ನೀ ಮುತ್ತಿಟ್ಟ ಕಣ್ಣುಗಳ ಮುಚ್ಚಿಬಿಡುತ್ತೇನೆ.....
ಕನಸಲ್ಲಿ ಬಂದು ಬಿಡೋ.



ಸುಖ ಇರಬೇಕು. ...ನಮ್ಮವರ ಜೊತೆಗೆ ಹಂಚಿಕೊಳ್ಳೋಕೆ.
ಕಷ್ಟ ಬರಬೇಕು. ...ನಮ್ಮವರು ಯಾರೂಂತ ಗೊತ್ತಾಗೋಕೆ.



ಅವನ ಸಂಗ ಬಯಸುವ ಮನ......
ಮಾತಿಗೆ ತಡಕಾಡಿ...ಮೌನ ತಾಳಿದೆ.
ಅವನೊಮ್ಮೆ ನಕ್ಕರೇ ಸಾಕು. ...
ಬಾಹುಗಳಲಿ ಬಂಧಿಯಾಗಲು ಕಾತರಿಸಿದೆ.


ಪ್ರೀತಿಯೆಂದರೇ....
ಮುಖ ನೋಡಿ ಮರುಳಾಗುವುದಲ್ಲ, ಆತ್ಮಸಾಂಗತ್ಯ
ಜೇನುಸುರಿವ ಮಾತನಾಡುವುದಲ್ಲ ., ಬಿರುಮಾತುಗಳಾಡಿ ನೋಯಿಸದಿರುವುದು
ಕೈ ಕೈ ಹಿಡಿದು ಓಡಾಡುವುದಲ್ಲ ಪ್ರೀತಿ, ಕೈಬಿಡದಂತೆ ಕಾಪಿಡುವುದು
ಪ್ರೀತಿಯೆಂದರೆ ದೇಹಗಳ ತಬ್ಬುವಿಕೆಯಲ್ಲ, ಮನಸುಗಳ ಮಿಲನ...

ಕಾಣದಾಗ..... ವಿರಹದಿ ಪ್ರಲಾಪಿಸುವುದಲ್ಲ ಪ್ರೀತಿ, ಜೊತೆಗಿರುವಾಗ ಅನ್ಯೋನ್ಯವಾಗಿರುವುದು
ಕಾಡಿ ಕೂಡುವುದಲ್ಲ ಪ್ರೀತಿ, ಕೂಡಿದ ಮೇಲೆ ಕಾಡದಿರುವುದು
ಪ್ರೀತಿಯೆಂದರೆ ಒಬ್ಬರಿಗಾಗಿ ಮತ್ತೊಬ್ಬರು ಸಾಯುವುದಲ್ಲ
ಪ್ರೀತಿಪಾತ್ರರ ಸಂತೋಷದಲಿ ಬದುಕುವುದು
ಪ್ರೀತಿಯೆಂದರೆ ಪರಸ್ಪರ ನಂಬಿಕೆ, ಕಾಳಜಿ
ಎಂದೂ ಜೊತೆಗಿರುವ ಭದ್ರತೆಯ ಭರವಸೆ ನೀಡುವುದು
ಪ್ರೀತಿಯೆಂದರೆ ...ಪಡೆದು ಹೆಮ್ಮೆ ಪಡುವುದಲ್ಲ, ಕೊಡುವುದು ...ಎಲ್ಲವನು ಕೊಟ್ಟು ನಿರಾಳವಾಗಿಬಿಡುವುದು.


ಮಧ್ಯ ರಾತ್ರಿಯಲ್ಲಿ ತಟ್ಟನೇ ಎಚ್ಚರಗೊಂಡಾಗೆಲ್ಲಾ...
ಅನಿಸುತ್ತದೆ--
ಬಹುಷಃ .....
ಅವನು ಮಗ್ಗಲು ಹೊರಳುತ್ತಾ....
ನನ್ನ ಹೆಸರ ಕನವರಿಸಿರಬೇಕು.




ಒಂದಷ್ಟು ಸುಂದರ ಕ್ಷಣಗಳ ಸುರಿದು ಹೋಗಿದ್ದಾನೆ....
ಅ ಚೆಂದದ ನೆನಪುಗಳಲಿ ಬದುಕಿರು
ಮತ್ತೆ ನಾ ಬರುವವರೆಗೂ ಎಂದು...
ವಿರಹವೂ ಚೆಂದವೇ.....
ಒಲವಿನಲಿ ನಂಬಿಕೆ ಇರಲು.



ನನಗೆ ಹತ್ತಿರವಾಗಲು ಬಯಸುವ ಎಲ್ಲರೂ ನನಗೆ ತುಂಬಾ ಚೆನ್ನಾಗಿ ಅರ್ಥವಾಗುತ್ತಾರೆ. ಅವರಿಂದ ನಾನು ಎಷ್ಟು ಅಂತರದಲ್ಲಿ ಇರಬೇಕು ಎಂದು ಕಲಿಸುತ್ತಾರೆ.


ಇದೇಕೆ ಇಷ್ಟು ಮಳೆ ಸುರಿಯುವುದೋ...?
ನೀನು ಬೇಕೆಂದು ಹಂಬಲಿಸುವಂತೇ
ಅದ್ಹೇಗೆ ನೀ ಹೀಗೆ ದೂರವುಳಿದಿರುವೆಯೋ..?
ನನ್ನನೇ ಮರೆತವನಂತೆ
ಚಟಪಟ ಮಳೆ ಹನಿಗಳು...

ನಿನ್ನನೂ ಚಡಪಡಿಸುವಂತೆ ಮಾಡಲಾರವೇನೋ...?
ಬಂದು ಬಿಡೋ ನನ್ನೆದೆಯ ಅಳಲಿಗೆ...ಕಿವಿಗೊಟ್ಟು
ನನ್ನವನೇ......
ಮಳೆ ನಿಂತರೂ.....ತೊಟ್ಟಿಕ್ಕುತ್ತಿವೆ ಕಣೋ...ನಿನ್ನ ನೆನಪುಗಳು.
ಕೊಚ್ಚಿಕೊಂಡು ಹೋಗುವ ಮಳೆ ಸುರಿಯುವ ಮುನ್ನ. ...
ಭೂತಾಯಿ ಕಂಪಿಸಿ, ಒಡಲಲ್ಲಿ ಸೇರಿಸಿಕೊಳ್ಳುವ ಮುನ್ನ. ..
ಒಂದಷ್ಟು ಹೊತ್ತು ಜೊತೆಯಾಗಿರೋಣ ...
ಪ್ರಕೃತಿ ವಿಕೋಪದ ಮುಂದೆ-
ನಮ್ಮದೇನು ಆಟಾಟೋಪ?
ಸರಿಸಿಬಿಡೋ...ಮುನಿಸುಗಳ
ಮತ್ತೆ ನೆನಪಿಸಿಕೋ....ಒಲವಿನ ಘಳಿಗೆಗಳ
ಕಾಯುವಿಕೆಯ ನನ್ನ ಸಹನೆ ಕೊನೆಯಾದರೂ...
ಬಾರದಿರುವ ನಿನ್ನ ನೆಪಗಳು ಮುಗಿದಿಲ್ಲ
ಬಂದು ಬಿಡೋ.... ಸ್ವಲ್ಪ ಪ್ರೀತಿಸೋಣ.


ದೂರದೂರಿನಲಿ ಗೆಳೆಯ ನೀನಿರುವೆ
ನಿನ್ನ ಬರುವಿಕೆಗೆ ನಾ ಕಾಯುತಿರುವೆ ,,,,,
ಹೇಳದೆಯೂ ನಾ....ನಿನಗದು ತಿಳಿದು
ಬಂದುಬಿಡೋ ಗೆಳೆಯಾ....ಮುತ್ತಿಡುವೆ.



ಮಳೆ ಎಂದರೇ. ..
ಗುಡುಗು-ಆರ್ಭಟ
ಮಿಂಚಿನ ಸೆಳೆತ
ಸಿಡಿಲ ಹೊಡೆತ
ನೀರ ಸುರಿತ...

ಎಲ್ಲಾ ಒದ್ದೆ. ...ಮುದ್ದೇ
ಅಲ್ಲಲ್ಲಿ ಗೊಚ್ಚೆ ಗೊಚ್ಚೆ
ಮಳೆಯೆಂದರೇ...
ಕೆಲವೊಮ್ಮೆ ಬೇಕೆನಿಸುವ ಹಿತ
ಇನ್ನೊಮ್ಮೆ ಪಿರಿ ಪಿರಿ ಬೇಸರ
ಥೇಟ್ ನಿನ್ನಂತೆಯೇ ಈ ಮಳೆ
ಹೌದು ಕಣೋ.....
ಮಳೆ ಬೀಳುವಾಗೆಲ್ಲಾ.....ನೀನು ನೆನಪಾಗುತ್ತೀ.


ಎಲ್ಲವೂ ಸುಳ್ಳಾದರೂ. ....
ನಿನ್ನ ನೆನೆಯವಿಕೆಯಲಿ ಮಧುರಾನುಭೂತಿ ಸತ್ಯ.
ಯಾವುದೂ ಶಾಶ್ವತವಲ್ಲದಿದ್ದರೂ ....
ನಿನ್ನ ಬಯಸುತಿದೆ ನನ್ನುಸಿರು ನಿತ್ಯ.



ನೀನೆಷ್ಟು ದಿನ ದೂರ ಇದ್ದರೂ. ....
ನನ್ನೆಡೆಗೇ ಮರಳುತ್ತೀಯ ಬಲ್ಲೆ
ಆದರೇ.....
ನಿನ್ನಾಗಮನಕೆ-
ಕಾಯುವುದು ಕಷ್ಟ. .....

ನಿನ್ನ ಅಗಲಿಕೆಯ ವೇದನೆ ತೀವ್ರ ಕಣೋ
ಮರೆಯಬಹುದೇನು ನಿನ್ನ
ಚೆಂದದ ಮೊಗವ....
ಸುಂದರ ನಗುವ...
ಹೇಗೆ ಮರೆತೇನು ಹೇಳು?
ನೀನಿತ್ತ ಒಲವ.
ಬೆಸೆದ ಬೆರಳುಗಳ ಬಿಸಿ
ನೊಸಲ ಚುಂಬಿಸಿದ ಹಸಿ ಇನ್ನೂ ಇದೇ...
ಬಯಸಿ ಅದನೇ ....ಮನಸು ...
ಕಣ್ಣುಗಳು ತೇವ ಕಣೋ
ಪ್ರೀತಿ ಹನಿದಾಗಲೇ..
ವಿರಹದ ತಾಪ ತಣಿಯುವುದು ಕಣೋ
ನಿನ್ನೊಲವ ವರ್ಷಧಾರೆ ಸುರಿವುದೆಂದೋ...?


ನನ್ನ ಬಾಳ ದಾರಿಯಲ್ಲಿ
ಸಿಕ್ಕ ನೀನು
ಬರಿಯ....
ನೆನಪಿನ ಮೈಲಿಗಲ್ಲು


ಹಣತೆಗಳ ಹಚ್ಚಿದೇ...
ಚೆಲ್ಲಿದ ಬೆಳಕು
ಅವನೊಲವ ನೆನಪಿಸಿತು
ನನಗಿರಲಿ ಅದೆಂದಿಗೂ....ಕಣ್ಮುಚ್ಚಿ ಕೈಜೋಡಿಸಿದೆ
ಸಂಪನ್ನವಾಯ್ತು ನನ್ನ ದೀಪಾವಳಿ