ಕಾಯುವ ಸುಖ ....

ಕಾಯುವುದು ಕಷ್ಟ
ಆದರೂ .....
ನಿನಗಾಗಿ ನಾನು ಕಾಯುವುದು ಇಷ್ಟ
ಕಾದಿದ್ದೇನೆ ನಾನು ....
ನೀನು ಸಿಗಲೆಂದು
 ನೀನು ನನ್ನವನೇ ಆಗಲೆಂದು
ಕಾದಿದ್ದೇನೆ ಮಧುರ  ನೆನಪುಗಳೊಂದಿಗೆ
ನಿನಗಾಗೇ  ದಿನವೂ , ಅನು  ಕ್ಷಣವೂ.
ಕಾದಿದ್ದೇನೆ ನಿನ್ನ ಕಿರುನಗೆಗಾಗಿ
ಅದ(ಧ)ರ  ಜೇನಿಗಾಗಿ
ಕಾದಿದ್ದೇನೆ ನಿನ್ನ ಕಣ್ಣ  ಬೆಳಕಿಗಾಗಿ
ನನ್ನ ಬದುಕಿಗಾಗಿ
ಕಾದಿದ್ದೇನೆ ನಿನ್ನ  ಮಾತಿಗಾಗಿ
ಅದರಲ್ಲಿ ಒಲವಿಗಾಗಿ
ಕಾದಿದ್ದೇನೆ ನಿನ್ನ ಅಪ್ಪುಗೆಗಾಗಿ
ನನ್ನೇ  ನಾ  ಒಪ್ಪಿಸಿಕೊಳ್ಳುವುದಕಾಗಿ
ಕಾದಿದ್ದೇನೆ ನಮ್ಮ ಮಿಲನಕಾಗಿ
ನಿನ್ನೊಳು ನಾನೊಂದಾಗುವುದಕಾಗಿ.
ಕಾಯುವಿಕೆಗಿಂತ ಮಿಗಿಲಾದ ತಪವಿಲ್ಲ
ಒಲಿಯದಿಹೆಯಾ  ನನಗಾಗಿ ?