ಆಟ ಮುಗಿದಿಲ್ಲ ಇನ್ನೂ .... 
ಹಾಸಿದ್ದ ಪಗಡೆ ಹಾಸು ನಲುಗಿದೆ 
ದುಗ, ಎಂಟು, ಹನ್ನೆರಡು ಎಲ್ಲಾ ಗರ ...ದಾಳ ಉರುಳಿಸಿದಾಗೆಲ್ಲ ನಗು 
ಅವನೇಕೆ ಥಟ್ ಅಂತಾ ಎದ್ದು ಹೋದ ?
ಹೇಳದೆ ಹೋದದ್ದೇಕೆ ತಿಳಿಯದಾದೆ 
ನನ್ನ ಮೇಲೆ ಮುನಿಸೆ ?
ಛೆ ಇರಲಿಕ್ಕಿಲ್ಲ ...ನಾನವನನ್ನು ತುಂಬಾ ಪ್ರೀತಿಸುತ್ತೇನೆ ನಿಜ ..
ಬರಬಹುದೆ ಅವನು ಹಿಂತಿರುಗಿ ?
ಆಟ ಇನ್ನೂ ಮುಗಿದಿಲ್ಲ ....
ನಾನು ಹಣ್ಣು ಮಾಡಬೇಕು
ನನ್ನ ಆಟ ಮುಗಿಸಬೇಕು ...
ಆಟ ಮುಗಿಸದೆ ಅರ್ಧಕ್ಕೆ ಎದ್ದು ಹೋದವನಿಗಾಗಿ ....
ಮರಳಿ ಬಾರದವನಿಗಾಗಿ ನಾ ಕಾಯಲೇ ?
ಆಟ ಮುಗಿದಿಲ್ಲ ಇನ್ನೂ ......