ಎಲ್ಲಾದಕ್ಕೂ ಒಂದು ಅಂತ್ಯವಿದೇ.....
ನನ್ನ ವಿರಹಕ್ಕೂ ಸಿಗಲಿ ಅದು 
ಬಂದು ಬಿಡೋ....
ನನ್ನಲ್ಲಿ ಎಲ್ಲಾ ಭಾವನೆಗಳೂ ಬತ್ತಿ ಹೋಗಿದೆ ಎಂದು ಕೊಂಡಿದ್ದೇ......
ಇಲ್ಲಾ. ....ನೀ ಈಗ ಬಂದು ಬಿಡುವೇ ಎಂದು ಹೋದ ಮೇಲೆ...
ನಿನ್ನ ನೋಡುವ ಚಡಪಡಿಕೆ ಶುರುವಾಗಿದೆ.


ಚೆನ್ನಾಗಿ ಕಲಿಸಿದ್ದಾನೆ ಅವನು .... 
ತುಟಿಗಳ ಬಿಗಿದು ಮಾತುಗಳ ಬಂಧಿಸಿಡುವುದು,
ಕಣ್ಣೀರು ಜಾರದಂತೆ ತಡೆಯುವುದು... 
ಕಾದು, ಬೆಂದು ನೊಂದಿದ್ದೇನೆ ಸಾಕಷ್ಟು .... 
ಇತ್ತೀಚೆಗೆ ಮಾತನಾಡಿಸುತ್ತಾನೆ- ಮಿಂಚೊಂದು ಫಳಕ್ ಅಂದಂತೆ ಆಗೊಮ್ಮೆ ಈಗೊಮ್ಮೆ !!!!
ಒಲವ ವರ್ಷಧಾರೆಗೆ ಇನ್ನೆಷ್ಟು ಕಾಯಬೇಕೋ ......???

ಸಾಯಿಸುವುದಕ್ಕಿಂತಲೂ ಕ್ರೂರವಾದ ಶಿಕ್ಷೆ
ನೋಯಿಸುವುದು ಕಣೋ.....
ಪ್ರೀತಿಯ ಸುಖಕ್ಕಿಂತಲೂ 
ನಿನ್ನ ಅಗಲಿಕೆಯ ವೇದನೆ ತೀವ್ರ ಕಣೋ....
ಬಂದುಬಿಡು ಬೇಡುವೆ
ಕಾಡಿಸಬೇಡ ಇನ್ನೂ.

ಅವನಿಲ್ಲದಿರಬಹುದು ನನ್ನ ಜೊತೆಯಲ್ಲಿ
ಅವನಿತ್ತ ಪ್ರೀತಿಯಿದೆ ನನ್ನೆದೆಯಲ್ಲಿ .... 
ಮುಂಜಾನೆಯ ಸಿಹಿನಿದ್ರೆಯಲ್ಲಿನ ಕನಸಿಗೆ ಬರುವ ಆ ಚೆಲುವ 
ನನ್ನ ಬಹುವಾಗಿ ಮುದ್ದಿಸುವ
ಕಣ್ತೆರೆದರೆ ಅವನಿಲ್ಲ !!!!
ಏನಂತೆ ???
ಪ್ರೀತಿಸುವ ಸುಖ ನನಗುಂಟು ಸಾಕಲ್ಲ ದಿನವೆಲ್ಲಾ ಖುಷಿಗೆ ?

ಮನಸೇನೋ ಹಕ್ಕಿಯಂತಾಯ್ತು .... ರೆಕ್ಕೆ ಬಲಿತಿರಲಿಲ್ಲ.... 
ಹಾರಲು ಗರಿ ಬಿಚ್ಚಿದಾಗ ...... ವಾತಾವರಣ ಅನುಕೂಲವಿರಲಿಲ್ಲ .... 
ಹಾರಲೇಬೇಕೆನಿಸಿದಾಗ .... ರೆಕ್ಕೆಗಳಿಗೆ ಒಂದೊಂದೇ ಪೆಟ್ಟು ... ನೋವುಗಳು.... 
ನೋವುಗಳ ಸಹಿಸಿತೇನೋ ....ಕಡಿಮೆಯಾಯಿತೇನೋ ..... 
ಹಾರಬೇಕು ಈಗ ..... ಉತ್ಸಾಹವೇ ಇಲ್ಲ.

ಕನಸಂತೆ ಬಂದವನು....
ಕನಸಾಗಿ..... ಕರಗಿ....ಹೋಗುವ ಮುನ್ನ. ...
ತುಸು ಹೊತ್ತು ಕಣ್ಣೆವೆಯಲಿ ಮುಚ್ಚಿಟ್ಟು. ..
ಒಂದಷ್ಟು ಕನಸುಗಳ ಹೆಣೆದಿಡುವೆ.