ಹುಣ್ಣಿಮೆಯ ಚಂದಿರನೇ ಮರೆಯಾಗು ಮೋಡಗಳಲಿ.....
ನಿನ್ನ ಮೊಗ ತೋರಿ
ಅವನ ಮೊಗವ ನೆನಪಿಸಬೇಡ.
ಗಾಳಿಯೇ ಲಾಲಿ ಹಾಡು ದಯಮಾಡಿ. ...
ನಾ ನಿದ್ರಿಸಬೇಕಿದೆ, 
ಇಂದೂ ಬಾರದಿರುವವನ ನೆನಪುಗಳು
ಬಹಳವಾಗಿ ಕಾಡುವ ಮೊದಲು.


ತುಂಟ ನಗೆಯ ಚೆಲುವ ಅವನು, 
ನನ್ನ ನೋಡಿ. ...
ನನ್ನ ಕಣ್ಣುಗಳಲ್ಲಿ ಪೋಲಿ ಕನಸುಗಳ ಬಿತ್ತುತ್ತಾನೆ. 
ಅವನಿಗೆ ನನ್ನ ಮಾತುಗಳು ಇಷ್ಟ ಕೇಳಲು, 
ನನಗೆ ಅವನನ್ನು ನೋಡಲು. ....
ಸುಳಿವುದು...ತಂಗಾಳಿ ಮಾತ್ರಾ.
ನಾವಿಬ್ಬರೂ ಜೊತೆಯಾಗಿರಲು ....


ಪ್ರೀತಿಯೆಂದರೇ .....ಒಂದು ಮಧುರವಾದ ಭಾವನೆ. 
ಪ್ರೀತಿಗೆ ಸ್ಪಂದಿಸಿದಾಗ....ತುಂಬಾ ಸಂತೋಷ. 
ನಿರಾಕರಿಸಿದಾಗ...ನಿರಾಸೆಯ ಭಾವ.
ಪ್ರೀತಿ ಪಡೆದೂ...ಕಳೆದು ಹೋದರೇ....ಹತಾಷೆ...ಪ್ರತೀಕಾರದ ರೂಪ.
ನಾವು ಪ್ರೀತಿಸುವವರು....ನಮ್ಮನ್ನೂ ಪ್ರೀತಿಸಬೇಕಂತೇನೂ ಇಲ್ಲ. 
ಇದು ಮಾತ್ರಾ ಸತ್ಯ---
ನಮ್ಮನ್ನು ಪ್ರೀತಿಸಿದವರು ಎಂದೂ ನಮ್ಮನ್ನು ಅಗಲರಾರರು, ಅಭೌತಿಕವಾಗಿಯೂ ನಮ್ಮೊಡನೆಯೇ ಇರುವರು.
ನಾವು ಪ್ರೀತಿಸಿದವರು ಎಲ್ಲಾದರೂ ಚೆನ್ನಾಗಿರಲೀ. ...ನಮ್ಮಿಂದ ದೂರವಾದರೂ....

ನೋಡಬೇಕು
ಕಾಡಬೇಕು
ಕಾಯಬೇಕು 
ಪಡೆಯಬೇಕು
ಕೂಡಬೇಕು
ಕಳೆದು ಹೋಗಬೇಕು
ದೂರವಿರಲು ಚಡಪಡಿಸಬೇಕು
ನೀನೇ ಬೇಕೆಂದು ಬೇಡಬೇಕು
ನೀನಿಲ್ಲದೇ ನಾನಿಲ್ಲಾ ಅನ್ನೋ ಹಾಗೆ...
ನೀನೇ ನನಗೆಲ್ಲಾ ಅನ್ನುವಷ್ಟು ತೀವ್ರವಾಗಿ ಬದುಕಬೇಕು.

ನೆನ್ನೆ ಮಳೆ. ...ಇಂದು ಸೆಖೆ...ಸಹಜ
ನೆನ್ನೆ ನಿನ್ನೊಲವ ಮಳೆ....ಇಂದು ನೆನಪುಗಳ ಕಾವು..ಇದೂ...ಸಹಜ.
ಮತ್ತೆ ಕಾಯಬೇಕು. ..ಮತ್ತೆ ಮತ್ತೆ ತಂಪಾಗಲು. ..