ಕಂಬನಿ ಜಾರುವುದರಲ್ಲಿತ್ತು.....ನಾನು ಇದ್ದೇನೆ ನಿನ್ನ ಗೆಳೆಯ ಎಂದನವನು.
ಅಳುವು ನನ್ನ ಕಣ್ಣುಗಳಲ್ಲಿ. ..ನಗುವು ತುಟಿಗಳಲಿ...ಎದ್ದು ಕೈ ಕುಲುಕಿದ.
ದಿನವೂ ಮುಂಜಾನೆ ಒಂದು " ಶುಭೋದಯ". ದಿನವೆಲ್ಲಾ...ಖುಷಿಯಾಗಿರಲು ಬೇಕಾದಷ್ಟು.
ಕಣ್ಣು ಮುಚ್ಚುವ ಮೊದಲು" ಶುಭರಾತ್ರಿ" ಸಂದೇಶ, ನೆಮ್ಮದಿಯ ನಿದ್ರೆಗೆ.
ಆತಂಕದಲ್ಲಿರುವಾಗ, ಕಣ್ಣೀರು ತುಂಬುವಾಗೆಲ್ಲಾ...ನೆನಪಾಗುತ್ತಾನೆ. ಹೇಳಿದ್ದಕ್ಕೆಲ್ಲಾ ಹೂಂಗುಡುತ್ತಾನೆ. ಕೆಲವೊಮ್ಮೆ ಮೆತ್ತಗೆ ಕೈ ಅದುಮುವಿಕೆ.
ನನಗೆ ಬೇಕಾದದ್ದೂ ಅಷ್ಟೇ. ..ನನ್ನಳಲ ಕೇಳುವ ಕಿವಿಗಳು, ಮಿಡಿಯುವ ಒಂದು ಹೃದಯ.
ಇನ್ನೇನೂ ನಿರೀಕ್ಷೆ ಇಲ್ಲ, ಅವನು ನನ್ನ ಗೆಳೆಯ.