ಸಮಯ ಬೆಳಿಗ್ಗೆ ೭ ಗಂಟೆ, ನನ್ನವನು ಪೂಜೆ ಮುಗಿಸಿ, ದೇವರ ಕೋಣೆಯಿಂದ ಹೊರಬಂದ. 
ಮಲಗಿದ್ದ ನನ್ನ ಮಗನೂ ಎದ್ದು ಬಂದ . ದೇವರ ಕೋಣೆಯ ಲೈಟ್ ಆಫ್ ಮಾಡಿದ. ಯಾಕಲೆ ?ಎಂದೇ . ಬಿಜಲಿ ಬಚಾವ್ ಮಾಡಬೇಕಮ್ಮಾ . 
ಯಾಕೆ ಬಚಾವ್ ಮಾಡಬೇಕು ?
ನೀವೆ ಎಲ್ಲಾ ಖಾಲಿ ಮಾಡಿದ್ರೆ ? ನಾವು ದೊಡ್ದವರದ್ಮೇಲೆ ಏನು ಮಾಡೋದು ? ನಮಗೆ ವಾಟರ್, ಪವರ್ ,ಪೆಟ್ರೋಲ್ ಎಲ್ಲಾ imp ಅಲ್ವ? ನಮಗೆ ಬೇಡ್ವಾ ? 
ಈಗಿನ್ನೂ ದೇವರ ಪೂಜೆ ಮುಗಿಸಿ ಡ್ಯಾಡಿ ಆಚೆ ಬಂದಿದ್ದಾರೆ, ಲೈಟ್ ಆಫ್ ಮಾಡ್ತಾರ ಕಂದಾ ?
ಗಾಡ್ ಗೆ ಯಾಕೆ ಲೈಟ್ ? ಅಂಧೇರ ದಲ್ಲಿ ಇರಲಿ ಬಿಡೂ . ಅಷ್ಟಕ್ಕೂ ದಿಯಾ ಇದ್ಯಲ್ಲ ಸಾಕು ಜಾಸ್ತಿ ಬೆಳಕಿದ್ರೆ ಕಣ್ಣು ಚುಚ್ಚುತ್ತೆ ಗಾಡ್ ಗೆ .
ದೇವರೇನು ಹಾಗಂತಾ ಹೇಳಿದ್ರಾ ನಿನಗೆ ?
ಫುಡ್ ಕೊಡೋ ಗಾಡ್, ನನ್ ಮೈಂಡ್ ಗೆ ಅಕಲ್ ಕೊಡೋಲ್ವ ?
ಓಹೋ ಅದು ಬೇರೆ ಉಂಟಾ ಸಾರ್ ತಮಗೆ ?
ಹಮ್ ನಂಗೆ ಅಕಲ್ ಇದೆ, ಈ ಡ್ಯಾಡಿ ಗೆ ಇಲ್ಲ. ನಾನೇನೋ ಸ್ಕೂಲ್ ಗೆ ಹೋಗಬೇಕು, ಬೇಗ ಎದ್ದು ಹೊರಡಬೇಕು. ಅದಕ್ಕೆ ಬೇಗ ಏಳ್ತೀನಿ . ಗಾಡ್ ನ ಯಾಕೆ ಈ ಡ್ಯಾಡಿ ಬೇಗ ಏಳಿಸಿ, ನೀರು ಹಾಕಿ, ಹೂ ಇಟ್ಟು ,ಮಂತ್ರ ಹೇಳಿ, ದೀಪ ಹಚ್ಚಿ ಡಿಸ್ಟರ್ಬ್ ಮಾಡುತ್ತೆ. ಪಾಪ ಗಾಡ್ ಇನ್ನೂ ಮಲಗಿರಲಿ, ಇಷ್ಟು ಬೇಗ ಏನಕ್ಕೆ ಏಳಿಸಬೇಕು ?
ಅಯ್ಯೋ ಮುದ್ದು smile emoticon
ನಕ್ಕು ಬಿಟ್ಟೆ .
ಅಲ್ಲಾ ಈ ನನ್ ಮಗನೆ ಇಷ್ಟು ಮುದ್ದು ಮುದ್ದು ಅಂದ್ರೆ .... !!!!!
ತಾಯಿಗೆ ಬಾಯಲ್ಲಿ ಜಗವನ್ನೇ ತೋರಿದ ಅವನೆಂತಹ ಚೆಂದ ! ಅವನೆಷ್ಟು ಮುದ್ದು !!! ಆ ತಾಯಿ ಎಂತಹಾ ಪುಣ್ಯವಂತೆ !!!
ಮಕ್ಕಳಿರಲವ್ವಾ ಮನೆ ತುಂಬಾ .....