ನಿಮ್ಮನ್ನು ನೀವು ಅಳೆದುಕೊಳ್ಳುವಾಗ 
ಬಹಳಷ್ಟು ಕಳೆದು ಕೊಳ್ಳಬೇಕು. ಹೆಚ್ಚು 
ಕಳೆದು ಕೊಂಡಾಗಲೆ ಮತ್ತಷ್ಟು ಕೂಡುತ್ತದೆ. 
---'ತಂತ್ರಯೋನಿ' -ಸತ್ಯಕಾಮ. 
ಏನೋ ಇದೆ ಇದರಲ್ಲಿ ಎಂದು ಯಾವುದೇ ಪುಸ್ತಕವನ್ನೂ ಓದಬಾರದು. ಏನಿದೆ ಇದರಲ್ಲಿ ನೋಡುವಾ ಎಂದು ಓದತೊಡಗುತ್ತೇನೆ ನಾನು. ಪುಸ್ತಕ ಒಳ್ಳೆಯ ಮಿತ್ರ , ವಾದಗಳಿರೋಲ್ಲ ಅಲ್ಲಿ. ಯಾರು ಏನೇ ಹೇಳಲೀ ? ಏನೇ ಬರೆಯಲೀ? ಅದು ಅವರ ಅನುಭವ, ಅಭಿಪ್ರಾಯ . ನನಗೆ ಏನು ಬೇಕೋ ಅದನ್ನು ಮಾತ್ರಾ ಅಳವಡಿಸಿಕೊಳ್ಳುವುದು ನನ್ನ ಸ್ವಭಾವ. 
ತುಂಬಾ ಭಾವುಕತೆಯೇನೋ ... ಪುಸ್ತಕ ಓದುವಾಗ ಅಳುತ್ತೇನೆ, ಮೂಕಳಾಗುತ್ತೇನೆ, ಕಳೆದೂ ಹೋಗುತ್ತೇನೆ. ಕೆಲವೊಂದು ಪುಸ್ತಕಗಳು ಓದಿ ಮುಗಿಸಿದ ಮೇಲೆ ಬಹುಕಾಲ ಕಾಡುತ್ತವೆ. ನನ್ನೊಳಗೆ ನಾನು ಪ್ರಶ್ನಿಸಿಕೊಳ್ಳತೊಡಗುತ್ತೇನೆ.
ವೀಣಾ ಬನ್ನಂಜೆ ಅವರ "ಸತ್ಯಕಾಮರೊಡನೆ ನನ್ನ ಸಾವಿರದ ದಿನಗಳು" ಓದಿ ಮುಗಿಸಿದೆ.
ಮೊದ ಮೊದಲು ಇದರಲ್ಲಿ ಏನೂ ಇಲ್ಲ ಎನಿಸತೊಡಗಿತು. ಎದ್ದೆ, ಕೂತೆ, ಮಲಗಿದೆ, ಧ್ಯಾನ ಮಾಡಿದೆ, ತಿರುಗಿದೆ... ಹೀಗೆ ...
ಕೆಲವೊಂದು ವಿಷಯಗಳ ಅರಿವಿರದ ಕಾರಣವೇನೋ ... ಅಸಹಜ ಅನಿಸಿತು.ಅಳುವುದು ಸುಮ್ಮನೆ, ಏಕಾಂತ ಪೂಜೆ, ಮಧ್ಯರಾತ್ರಿ ಪೂಜೆ, ನಿರ್ವಾಣದಲ್ಲಿ ಹೋಮ, ಒಟ್ಟಿಗೆ ಮಲಗೋದು, ದಿನಾ ಮುದ್ದಿಸಿಕೊಳ್ಳುವುದು, ಚುಂಬಿಸುವುದು ... ಹೀಗೆ ... ಹುಚ್ಚುತನ ಎನಿಸಿತು. ನನ್ನ ಬುದ್ದಿ ಮಟ್ಟಕ್ಕೆ ಇವೆಲ್ಲಾ ನಿಲುಕಲಾರದ್ದೇನೋ ... ನೋ ಕಾಮೆಂಟ್ಸ್. ಕೊನೆಯ ಒಂದಷ್ಟು ಪುಟಗಳು ಒಂದಷ್ಟು ಸಂಚಲನ ಉಂಟು ಮಾಡಿತು. ಸತ್ಯಕಾಮರ ದೇಹಾಂತ್ಯ, ದಹನ ಓದುವಷ್ಟರಲ್ಲಿ ನಾನು ಜೋರಾಗಿ ಅಳುತಿದ್ದೆ. ಅವರ ಹೆಸರು ಗೊತ್ತು , ಜಾಸ್ತಿ ಅವರ ಬಗ್ಗೆ ಗೊತ್ತಿಲ್ಲ. ನನ್ನ ಅನಾರೋಗ್ಯದ ಪರಿಣಾಮ ಬಹಳಷ್ಟನ್ನು ಮರೆತಿದ್ದೇನೆ. ಓದುವುದೂ ಕಡಿಮೆಯಾಯ್ತು ಸೊ... frown emoticon
ಪ್ರೀತಿಸುವುದು ದೊಡ್ಡದೇನಲ್ಲ, ನಾವು ಪ್ರೀತಿಸುವವರೇ ನಮ್ಮನ್ನೂ ಪ್ರೀತಿಸುವುದು, ಅವರೊಡನೆ ನಾವಿರೋದು ತುಂಬಾ ತುಂಬಾ .... ಏನ್ ಹೇಳೋದು ? ಗೊತ್ತಾಗ್ತಿಲ್ಲ frown emoticon
ಆ ತರಹ ಜೀವಿಸುವುದು ಸಾರ್ಥಕ ಅನಿಸುತ್ತೆ ಅಲ್ವಾ ?ಆ ಮಹಾತ್ಮರ ಸಾನಿಧ್ಯದಲ್ಲಿ, ಅವರ ಪ್ರೀತಿಯಲ್ಲಿ, ಅವರ ಸೇವೆಯಲ್ಲಿ ತನ್ನನ್ನು ತಾನು ಅರ್ಪಿಸಿಕೊಂಡು ಬೆಳೆಯುವುದು ಆಕೆಯ ಸುಕ್ರುತ. ಅದನ್ನೇ ಬರೆಯುತ್ತಾ ಹೋಗ್ತಾರೆ. ನಾನದನ್ನು ನನ್ನ ಜೀವನದ ಕ್ರಮ ನೆನಪಿಸಿಕೊಳ್ಳುತ್ತಾ ಹೋದಂತೆ .... ಶೋಕದಲ್ಲಿ ಮರೆತ ... ನನ್ನ ಗುರುಗಳ ಮಾತು, ಅವರ ಒಡನಾಟ, ಅವರು ಕಲಿಸಿದ ಪಾಠ, ನನ್ನ ಕರ್ತವ್ಯ .... ಒಂದೊಂದೇ ನೆನಪಾಗತೊಡಗಿತು. ನಾನು ಹೇಳಲಾರೆ ಅಷ್ಟೇ ...ನನ್ನ ಗುರುಗಳು ಜೆನ್ ಕಥೆ ಓದಿಸಿ ಬಹಳಷ್ಟು ಅರ್ಥ ಮಾಡಿಸಿದರು. ರಾಮನವಮಿ ದಿನ ತಿರುವಣ್ಣಾಮಲೈ ಗೆ ಕರೆದುಕೊಂಡು ಹೋದರು. ರಮಣರ ಪುಸ್ತಕಗಳನ್ನು ಓದಿಸಿದರು.
ಓಶೋ ಓದಲುತೊಡಗಿದೆ. ಹಿಮಾಲಯದ ಮಹಾತ್ಮರ ಸನ್ನಿಧಿಯಲ್ಲಿ ಓದಿದೆ... ಮನಸ್ಸಿನ ನಿರಾಳತೆಯ ದಾರಿಯಲ್ಲಿ ಪಯಣ ಸಾಗಿದೆ... ನನ್ನನ್ನು ನಾನು ಅರಿತುಕೊಳ್ಳುವ ಪ್ರಯತ್ನ ಶುರುವಾಯ್ತು.
ಇದು ನನ್ನ ಭಾವನೆಗಳು .... ... ಬರೆದುಕೊಂಡಿರುವೆ.
ಇನ್ನು ಸತ್ಯಕಾಮರ 'ತಂತ್ರಯೋನಿ' ಓದಲಿಕ್ಕೆ ನಾಳೆಯಿಂದ ಸ್ಟಾರ್ಟ್.
ಬಹುಷಃ ಪ್ರೇಮಪದ್ಯಗಳ ಸುಜಾತ ಇನ್ನು ಕಾಣಿಸುವುದಿಲ್ಲ.