"ಮಕ್ಕಲಿರಳವ್ವಾ  ಮನೆ ತುಂಬಾ "
ನಾನು ಎಷ್ಟೋ ದಿನ ನಿಜ ಅಂದುಕೊಂಡಿದ್ದೆ ,ನೊಂದುಕೊಂಡಿದ್ದೆ .ಅಣ್ಣ ಗೋದಿಬಣ್ಣ ,ಎತ್ತರದ ನಿಲುವು ,ಸುಂದರ .ಅಕ್ಕನೂ ಬೆಳ್ಳಗೆ ಚೆಲುವೆ .ನಾನು ಮಾತ್ರಾ ಕಪ್ಪಗೆ ,ಡುಮ್ಮಿ ,ಮೊಂಡುಮೂಗು ,ಕುಳ್ಳಿ . ಅಮ್ಮ ಹೇಳ್ತಿದ್ರು ,ನೀನು ನಮ್ಮ ಮಗುವಲ್ಲ ,ತೊಟ್ಟಿಯಿಂದಾ ತಂದಿದ್ದು ಅಂತಾ .ನನ್ನನ್ನು 'ಹೆಗ್ಗಣ' ಅಂತಾನೆ ಕರೀತಿದ್ರು .ಮಾತೇ ಆಡದ ನಾನು ಅದಕ್ಕೂ' ಓ ' ಅಂತಿದ್ದೆ . 
ನನಗೆ ಒಂಚೂರು ಪ್ರೀತಿ ಬೇಕಿತ್ತು .
ಆತ ಎತ್ತರದ ,ತೆಳ್ಳಗಿನ ,ಕೆಮ್ಪುಮೊಗದ,ಗಡ್ಡ ಇರುವ ಸುಂದರ .ರಾಜಕೀಯದಲ್ಲಿದ್ದವ .ನನಗಿಂತಾ ಸುಮಾರು ಹದಿನೈದು ವರ್ಷ ದೊಡ್ದವ್ರಿರಬೇಕು .ಅದೇಕೋ ನನ್ ಕಂಡ್ರೆ ಇಷ್ಟ .ನಾನು ಅದನ್ನ ಲವ್ ಅಂತಾ ತಪ್ಪಾಗಿ ತಿಳಿದುಬಿಟ್ಟಿದ್ದೆ :-) ವಯಸ್ಸು ಅಂತಹದ್ದು .ಅದಕ್ಕೆ ಏನೋ !ಈಗಲೂ ಆ ತರಹದವನೇ ನನ್ನ ಕನಸಿನ ರಾಜಕುಮಾರ :-) ಎತ್ತರ ಇರಬೇಕು ,ಅವನೆದೆಯಲ್ಲಿ ನನ್ನ ಮುಖ ಮುಚ್ಚಿಕೊಳ್ಳುವ ಹಾಗೇ ........ಇನ್ನೇನ್ ಕನಸೂ ?ಇದು ನನ್ನ ಮೊದ ಮೊದಲ ಲವ್ವು ! ಇರಬಹುದಾ ?ಯಾವಳಿಗ್ಗೊತ್ತು ?
ಉಹುಂ ,ನಾನು ಯಾರನ್ನೂ ಲವ್ ಮಾಡ್ಲಿಲ್ಲ .
ಈಗಲೂ ಲೋಕಿಗೆ ಹೇಳ್ತೇನೆ -ನಾ ನಿಂಗೆ ಯಾವತ್ತಾದರೂ I LOVE YOU ಅಂದಿದ್ದೀನಾ ಹೋಗೋ ನಾ ಲವ್ವೇ ಮಾಡಿಲ್ಲ ಯಾರನ್ನೂ ಅಂತಾ .ಅವನೂ ಹೇಳ್ತಾನೆ -ಹೂ ,ನಾನೂ ಅಷ್ಟೇ ,ಏನೋ ಹುಡುಗಿ ಗುಂಡು ಗುಂಡುಗೆ ಇದ್ಲು ,ಉದ್ದ ಜಡೆ ಅಲ್ಲಾಡಿಸ್ಕೊಂಡು ಓಡಾಡ್ತಿದ್ಲು ,ಮದ್ವೇಯಾಗೊದಾದ್ರೆ ಇವಳನ್ನೇ ಆಗೋಣ ಅನಿಸ್ತು ಅಷ್ಟೇ :-) ಅಂತಾ .ಹೌದು ,ನಾವಿಬ್ರೂ ಐ ಲವ್ ಯೂ ಹೇಳದೆ ,ಅವ್ನು ,ನನ್ನನ್ನು ಮದ್ವೇಯಾಗ್ತೀರಾ ಅಂತಾ ಕೇಳಿದ್ದು ,ನಾನು ಹೂ ಅಂದು ಮದ್ವೆಯಾಗಿದ್ದು.
ಹೀಗೂ ಉಂಟೆ ?
ನಮಗೀಗ ಮುದ್ದಾದ ಎರಡು ಮಕ್ಕಳು .
ಅಮ್ಮಾ ನೀನು ಈ ಸೀರೆ ಉಡು ,ಈ ಕಲರ್ ಡ್ರೆಸ್ ಹಾಕ್ಕೋ ,ನೀನು ನನ್ನಮ್ಮ ಚೆಂದ ಅಂತಾ ಮುದ್ದಿಸುವ ಪುಟ್ಟ ಮಗ' ರಿಷಿ' ನನ್ನ ಸುಂದರ ಪ್ರಪಂಚ .
ರಿಷಿ ,ಮೊನ್ನೆ ಒಂದು ಪ್ರಶ್ನೆ ಕೇಳಿದ ,ಅಮ್ಮಾ ನಿಂಗೆ ನಾನು ಬೇಕಾ ?ಡ್ಯಾಡಿ ಬೇಕಾ ?
ಯಾಕೋ ಕಂದಾ ಹಾಗಂತೀ ಅಂದೇ .
ಮತ್ತೆ ನನ್ ಕಡೆ ತಿರುಗು ,ಡ್ಯಾಡಿ ಮಾತು ಕೇಳಬೇಡ ಅಂದ.
ನನಗೆ ಬೇಕಾಗಿದ್ದನ್ನು ನಿನ್ನಿಂದನೂ ಕೊಡಲು ಆಗಲಿಲ್ಲ ಅಂತಾ ಈ ನನ್ನ ಮಗ ಹುಟ್ಟಿರೋದು .ಅವನು ನನ್ನನ್ನು ಕೇರ್ ,ಮಾಡ್ತಾನೆ ,ಪ್ರೀತಿ ಮಾಡ್ತಾನೆ ಹೋಗೋ ಅಂದು ಅವನೆಡೆಗೆ ತಿರುಗಿದೆ . 
ಮಕ್ಕಳು ತುಂಬಾ ಸೂಕ್ಷ್ಮ .ಅವಕ್ಕೆ ಬೇಕಾಗಿರೋದನ್ನು ಅವ್ರು ಬಯಸಿದಾಗ ಕೊಟ್ಟು ಬಿಡಿ ಪ್ಲೀಸ್ .