ಹಿಟ್ ಮೇಲ್ ಅವರೆಕಾಳ್ ----
            ನನಗೆ  ಚೆನ್ನಾಗಿ ಅಡುಗೆ ಮಾಡೋಕೂ ಬರುತ್ತೆ . ಇವತ್ತು ನಮ್ ಹೊಲದ್ದು ತಾಜಾ ,ಎಳೆಯ ಅವರೆ ಕಾಯಿ ಬಂದಿದೆ .ಅದರಲ್ಲಿ ಉಪ್ಪೆಸರು ಮಾಡಿದ್ರೆ ! ವಾವ್! ಅದರಲ್ಲಿ ತೆಳ್ಳಗಿನ ರಾಗಿ ಮುದ್ದೆ ಮುಳುಗಿಸಿ , ಗುಳು ಗುಳು ನುಂಗೋಕೆ ಏನ್ ಸಖತ್ ಆಗಿರುತ್ತೆ ಗೊತ್ತಾ ?
ನಿಮಗೆ ಹೇಳಿಕೊಡ್ತೇನೆ .
ಉಸಲಿ ಮಾಡೋಕೆ ಎಲ್ಲಾರಿಗೂ ಬರುತ್ತೆ .ಬೆಂದ ಅವರೆಕಾಳಿಗೆ ,ಹಸಿಮೆಣಸು ಜೊತೆಗೆ ಜಾಸ್ತಿ ಈರುಳ್ಳಿ ಹಾಕಿ ಒಗ್ಗರಿಸಿ .ತೆಂಗಿನ ಕಾಯಿ ಬೆರೆಸಿ ಚೂರು ಲಿಂಬೆ ಹುಳಿ ಹಿಂಡೋದು ಮರೀಬೇಡಿ .(ಆಗ ಗ್ಯಾಸು ಅಷ್ಟಾಗಿ ಇರೋಲ್ಲ )
ಒಂದಿಷ್ಟು ಬೆಂದ ಹಸಿಮೆಣಸು ,ಅರ್ಧ ಸೌಟು -ಬೆಂದ ಅವರೇಕಾಳು ,ಕೊತ್ತಂಬರಿ ಸೊಪ್ಪು ,ಒಂದು ಬೆಳ್ಳುಳ್ಳಿ ,ಚೂರು ಹುಣಿಸೇಹಣ್ಣು ,ಒಂದು ಚಮಚೆ ಜೀರಿಗೆ ,ರುಚಿಗೆ ಉಪ್ಪು ಹಾಕಿ ನುಣ್ಣಗೆ ರುಬ್ಬಿಡಿ .
ಬೇಯಿಸಿದ ಅವರೇಕಾಳು ಬಸಿದ ನೀರಿಗೆ ಒಂದು ಚಮಚೆ ಈ ರುಬ್ಬಿದ ಚಟ್ನಿಯನ್ನು ಬೆರೆಸಿ ಕುಡಿಯಿರಿ ,ಇಲ್ಲಾ ರಾಗಿ ಮುದ್ದೆಯನ್ನು ಮುಳುಗಿಸಿ ನುಂಗಿ .
ಆಹಾ ............
ಏನ್ ರುಚಿ ಗೊತ್ತಾ ?
ರಾಗಿ ಮುದ್ದೆ ಮಾಡೋದು ಕೇಳಬೇಡಿ .
ನಾ ಹೇಳಿಕೊಟ್ಟರೂ ನಿಮಗದನ್ನು ಮಾಡೋದು ಅಷ್ಟು ಸುಲಭವಲ್ಲ ಸಾರಿ :-)