"ಮಕ್ಕಳು "

ತುಂಬಿದ ಸಂಸಾರದಲ್ಲಿ ಒಂದು ಸಣ್ಣ ತಪ್ಪು ಎಲ್ಲರನ್ನು ಸ್ವಲ್ಪ ಕಾಲ ಅಗಲಿಸಿತ್ತು .ಒಂದಿಷ್ಟು ನಾನೇ ಸರಿ ಎನ್ನುವ ಅಹಂಕಾರ ಹಿರಿಯರಿಗೂ ,ನನಗೂ .ಪರಸ್ಪರ ಮಾತಿಲ್ಲ .
ಒಮ್ಮೆ ,ಶಾಲೆಯಿಂದಾ ಬಂದ ನನ್ನ ಪುಟ್ಟ ಕೇಳಿದ ಅಮ್ಮಾ ಗ್ರ್ಯಾಂಡ್ ಮದರ್ ,ಗ್ರಾಂಡ್ ಫಾದರ್ ಎಲ್ಲಿ ? ಅಂತಾ .
ಅವರ ಫೋಟೋ ತೋರಿಸಿ ಸಮಾಧಾನ ಹೇಳೋ ಪ್ರಯತ್ನ ನಡೆಸಿದೆ ,ಫಲವಿಲ್ಲ .
ಎಷ್ಟೋ ವರುಷಗಳ ನಂತರ ,ಹತ್ತಾರು ದೇವರಿಗೆ ಹರಕೆ ಹೊತ್ತು ಹಡೆದ ಮುದ್ದು ಮಗ ,ಅತ್ತೆ -ಮಾವನಿಗೂ ಅಚ್ಚುಮೆಚ್ಚು . ಅಜ್ಜಿ ,ತಾತ ಬೇಕು ನಂಗೆ ,ಅವರ ಫೋಟೋ ಅಂಟಿಸಿಕೊಂಡು ಬರೋಕೆ ಹೇಳಿದಾರೆ ಮ್ಯಾಮು ಅಂತಾ ಮೂತಿ ಮುಂದೆ ಮಾಡ್ತು .ನನ್ನ ಮಗನ ಹಠ ನನ್ನನ್ನು ಕರಗಿಸಿತು .ಸರಿ ಅವರ ಬಳಿ ಕರೆದುಕೊಂಡು ಹೋದೆ . ತಾತ ದಾರಿಯಲ್ಲೇ ಸಿಕ್ತು .ಇದು,ನನ್ ಪುಟ್ಟ ಕಾರಿನಿಂದಾ ಆಚೆ ತಲೆ ಹಾಕಿ 'ತಾತಾ ,,,,,,ಹಾಯ್ ಓಲ್ಡ್ ಮ್ಯಾನ್ 'ಅಂತಾ ಕೈ ಬೀಸೋದಾ ? ತಾತಾ ಗೋಳ್ ಅಂತಾ ನಕ್ಕುಬಿಡ್ತು .
ನನಗೂ .....ನನ್ನ ಮಗನ ಮಾತು ನಗು ತಂತು ,ಅವನ ಪ್ರೀತಿ ಅಳು ತಂತು .
ಹಿಡಿದಿಟ್ಟ ಮೌನ ,ಮುನಿಸು ಕರಗಿತು .
ಮಕ್ಕಳೆಂದರೆ ಹೀಗೆ ಆಲ್ವಾ ?