ಉಸಿರು

ಸ್ನಾನದ ಮನೆಯಲ್ಲಿಯೂ,
ಚೆಲ್ಲಿದ ನೀರಿನಲ್ಲಿ ನನ್ನ ಬೆರಳು ಮೂಡಿಸಿದ್ದು ನಿನ್ನ ಹೆಸರು.
ಅಡಿಗೆ ಮಾಡುವಾಗ ಉರಿಗೆ ಕಪ್ಪಾದ ಪಾತ್ರೆಯ ಮೇಲೆ
ಗೀಚಿದೆ ಉಹುಂ ಬರೆದೆ ನಿನ್ನ ಹೆಸರು.
ಸಮುದ್ರದ ದಡದಲ್ಲಿ ಕುಳಿತೆ,
ಮರಳ ಮೇಲೆ ಚೆಂದದ ನಿನ್ನ ಹೆಸರ ಬರೆದು
ಅಲೆಯಲ್ಲಿ ಕೊಚ್ಚಿಹೊಗೋದನ್ನ ನೋಡ್ತಾ ನಕ್ಕು ಬಿಟ್ಟೆ .
ಕಲ್ಲ ಮೇಲೆಯೂ ಕೆತ್ತಿದೆ
ನಿನ್ನ ಹೆಸರ ಮರಗಳ ಮೇಲೆಯೂ .....
ಪೆನ್ ಸಿಕ್ಕಾಗ, ಕೈ ಮೇಲೆ,
ಕಾಗದದ ಮೇಲೆ ಮುದ್ದಾಗಿ ಬರೆಯುವುದು ನಿನ್ನ ಹೆಸರು .
ಏನೇ ಸಿಕ್ಕರೂ ಅದರ...

ಮೇಲೆಲ್ಲಾ ಬರೆದದ್ದು ನಿನ್ನದೇ ಹೆಸರು .
ನಿನ್ನ ಹೆಸರು ಚೆಂದವೋ !

ನಾ ನಿನ್ನ ಪ್ರೀತಿಸುವುದಕ್ಕೆ ಅದು ಚೆಂದ ಅನಿಸ್ತಿದೆಯೋ!
ಕಂಡ ಕಂಡಲೆಲ್ಲಾ ನಾ ನಿನ್ನ ಹೆಸರೇ ಬರೆಯುವುದಕ್ಕೆ ಏನೋ ಕಾರಣ ?
ಬರೆದೆ ನೀನು ನಿನ್ನ ಹೆಸರ ನನ್ನ ಬಾಳ ಪುಟದಲಿ.......