ಮಾತು

ನುಡಿದರೆ ಮುತ್ತಿನ ಹಾರದಂತಿರಬೇಕು . ನಿಜ ,ಆದರೆ ಮಾತೇ ಮುತ್ತು ,ಮೃತ್ಯು ಸಹಾ.ಏನೇ ಆಗಲೀ ಮಾತು ಚೆಂದ ಯಾರದ್ದು ಅಂತೀರಾ ?ಮಕ್ಕಳ ಮುದ್ದು ಮುದ್ದು ತೊದಲ ಮಾತು . ಮಕ್ಕಳು ಮತ್ತು ಮುದುಕರು ಜಾಸ್ತಿ ,ಅನಾವಶ್ಯಕವಾಗಿ ಮಾತಾಡ್ತಾರೆ ಆಲ್ವಾ ?ಯಾಕೆ ? ಮಕ್ಕಳಿಗೇನೋ ಅರಿಯುವ ಕುತೂಹಲ ಸರಿ .ಟಿಕೆಟ್ ತಗೊಂಡು ಕೂತುಕೊಂಡವರೂ ಯಾಕ್ರೀ ಅಷ್ಟ್ ಮಾತಾಡ್ತಾರೆ ?ಅಯ್ಯೋ ಅದಿರಲಿ ,ಕೆಲವರು ವಯಸಿನ ಇತಿ ಮಿತಿ ಬೇಡ ,ಸಿಕ್ಕಾಪಟ್ಟೆ ಮಾತಾಡ್ತಾರೆ .(ಅವರಿಗೆ ನಾ ಅನಾಸಿನ್ ಅಂತೀನಿ .)ಮಾತಾಡೋವ್ರಿಗೆ ಕೇಳೋ ಕಿವಿ ಇದ್ರೆ ಸಾಕು .ಅವ್ರ ಹಾಗೆ ಮಾತಾಡುವವ್ರನ್ನು ಫ್ರೆಂಡ್ ಮಾಡ್ಕೊಳಲ್ಲ ಗೊತ್ತಾ ?
ನನಗಂತೂ ಮೊದಲಿನಿಂದಲೂ ಮಾತು ಆಡೋದು ಇಷ್ಟವಾಗೋಲ್ಲ .ಆಡಿದ್ರೆ ಒರಟಾಗಿ ಆಡಿ ವಿವಾದ ತಂದುಕೊಳ್ಳುವುದೇ ಹೆಚ್ಚು .ಬೆಣ್ಣೆಯಲ್ಲಿ ಕೂದಲು ತೆಗೆದ ಹಾಗೆ ಮಾತಾಡೋಕೆ ಬರೋಲ್ಲ .ಏಕ್ ಮಾರ್ ದೋ ತುಕಡಾ .
ಕೆಲವರದು ಕೊಂಕು ಮಾತು , ನಯವಾದ ಮಾತು , ನೇರ ಮಾತು,ವಟ ವಟ ಮಾತು ........ಇನ್ನೂ ಏನೇನಿದೆ ? 
ಮಾತಾಡೋದು ಇಲ್ಲದಿದ್ರೆ ಏನ್ ಆಗ್ತಿತ್ತು ? ನಿಂದನೆ ,ಜಗಳಗಳು ಕಡಿಮೆ ಆಗ್ತಿರಲಿಲ್ವಾ ? ನಾನೇ ಒಂದು ಮಾತಾಡೋದು ,ಅದನ್ನು ಅರ್ಥೈಸಿಕೊಳ್ಳುವುದೇ ಬೇರೆ ತರಹ ಆಗಿ ಎಷ್ಟೋ ಸಲ ಥೂ ನಾ ಮೂಕಳಾಗಿದ್ರೆ ಅನಿಸಿದ್ದೂ ಇದೆ. ಕೆಲವೊಮ್ಮೆ ಕಿವುಡಾಗಿದ್ರೆನೂ ಒಳ್ಳೆಯದು ಅನಿಸಿದೆ ನಿಂದನೆ ಕೇಳುವಾಗ .ಮೂಕಳಾಗಿದ್ದೆ ಸ್ವಲ್ಪ ಸಮಯ . ಕೃತಕ ಉಸಿರಾಟಕ್ಕಾಗಿ ಕತ್ತು ಕೊಯ್ದು ಮಲಗಿಸಿದ್ದಾಗ .ನಿನ್ ನಾಲಿಗೆ ಸೇದ್ಹೋಗ ಅಂತಾ ಯಾರೋ ನನಗೆ ಶಪಿಸಿದ್ದಿರಬೇಕು ಬಿಡಿ :-) 
ಮೃದುವಾದ ಮಾತಿನಲ್ಲಿ ಮೋಸವನ್ನು ಹುಡುಕು .
ಕಟೋರವಾದ ಮಾತಿನಲ್ಲಿ ಪ್ರೀತಿಯನ್ನು ಹುಡುಕು .
ಕಟೋರವಾದ ಮಾತುಗಳೆಲ್ಲಾ ವಿಷವಲ್ಲ ,
ಮೃದುವಾದ ಮಾತುಗಳು ಅಮೃತವೇನಲ್ಲ .
(ಟ -ತಪ್ಪಾಗಿದೆ )
ಹೀಗಂತಾ ಎಲ್ಲೋ ಓದಿದ ನೆನಪು .
ಮಾತು ಬೇಕು .ಎಷ್ಟ್ ಬೇಕೋ ಅಷ್ಟೇ .ಜಗಳ ಆಗದಂತಹಾ ಮಾತು ಬೇಕು ಏನಂತೀರಿ?
ಅನಾವಶ್ಯಕವಾಗಿ ಮಾತಾಡಿ ಕಿರಿ ಕಿರಿ ಮಾಡಬೇಡಿ .
ನಂದೂ ಜಾಸ್ತಿಯಾಯ್ತು ಕೊರೆತ :-)