ಪ್ರೀತಿ ಪ್ರೇಮ ಜಾನೇ ದೋ .....

ಮೊದ ಮೊದಲ ಪ್ರೇಮ ,ಅದು ಸದಾ ನಮ್ಮೊಂದಿಗೆ ಇರುತ್ತೆ .
ಸುಮಾರು ೨೦ ವರ್ಷಗಳ ನಂತರ ಅವನು face book ನಲ್ಲಿ ಸಿಕ್ಕ .
'ಹಾಯ್ ' ಅಂದೇ ,ಸಂತೋಷ ಆಗಿದ್ದು ನಿಜ . ಸ್ವಲ್ಪ ಜಾಸ್ತಿನೇ ,,,,,,,,I miss u ಕಣೋ ಅಂದುಬಿಟ್ಟೆ .
ಸುಜೀ ಹಾಗೇ ಇದ್ದ್ದಿಯಲ್ಲೇ ! ಅಂದ ,ಇಲ್ವೋ ಆಗಿಗಿನ್ತಾ ಈಗ ೨೦ ಜಾಸ್ತಿ ಆಯ್ತು,ಸುತ್ತಳತೆಯೂ ಸಹ ಎಂದು ನಕ್ಕೆ .ಹೌದು ದಿನಗಳು ಉರುಳಿದ್ದವು ,ಯಾರಿಗೆ ಕಾಯುತ್ತೆ ? ಇಂದು ಸಿಕ್ಕ ನಮ್ಮಿಬ್ಬರಲಿ ,ಅಂದಿನ ಸಲಿಗೆ ! ಪ್ರೀತಿ!ಯೇ ಇತ್ತಾ ?
ಪರಸ್ಪರ ವಿಚಾರಣೆಗಳು ,ಮದುವೆ,ಮಕ್ಕಳು ,ಜೀವನ ..........

ಹೇಯ್ ನನ್ನ ಹೆಂಡತಿಗೆ ನಿನ್ನ ಬಗ್ಗೆ ಎಲ್ಲಾ ಹೇಳಿದ್ದೀನೆ ಅಂದ.
ಏನಿತ್ತು ಹೇಳುವನ್ತಹುದು ?
ನಾನು ನಿನ್ನನ್ನು ತುಂಬಾ ಪ್ರೀತಿಸ್ತಿದ್ದದ್ದು , ಒಟ್ಟಿಗೆ ತಿರುಗಿದ್ದು , ಯಾವ್ ಯಾವ್ ಪಿಚ್ಚರ್ ನೋಡಿದ್ದು ,ಧರ್ಮವೇ ಬೇರೆ ಎಂದು ಮದುವೆ ಆಗಲಿಕ್ಕೆ ಆಗದೆ ಇದ್ದದ್ದು ಎಲ್ಲಾ ..... ಎಂದ .
ನನಗೆ ಶಾಕ್ .
ಅಯ್ಯೋ ಸಜೀ ....ನೀನು ನನ್ನ ಪ್ರೀತಿಸ್ತಿದ್ದೆ ಅಂತಾ , ನಿನ್ನ ಹೆಂಡತಿಗೆ ಈಗ ಹೇಳೋ ಬದಲು, ನಂಗೆ ಆವಾಗಲೇ ಹೇಳಿ ಬಿಟ್ಟಿದ್ರೆ ? ನಾನು ನಿನ್ನೊಂದಿಗೆ ಈಗ ದುಬಾಯ್ ನಲ್ಲೆ ಇರ್ತಿರಲಿಲ್ವಾ ಎಂದು ನಕ್ಕು ಬಿಟ್ಟೆ .
ಕಣ್ಣಿನ೦ಚಿನಲ್ಲಿದ್ದ ನೀರು ಅವನಿಗೆ ಕಾಣಿಸಲಿಲ್ಲ .
ಹೇಳೋದನ್ನು ಹೇಳಲು ತಡ ಮಾಡೋದ್ಯಾಕೆ ?