ಸಾಂಗತ್ಯ

ನಾನೇ ಪ್ರೀತಿಸುವ ನೀನು
ಬಳಿಯಲಿಲ್ಲದ್ದಿದ್ದರೂ,
ನಿನ್ನ ಮುದ್ದುಗರೆಯುವಿಕೆಯ ,
ಮುನಿಸಿನ ಮಧುರ ನೆನಪುಗಳಿವೆ ನನ್ನಲ್ಲಿ .
ನಾನೇಕೆ ಒಂಟಿ ?
ನೀ ಬರದಿದ್ದರೂ ಸನಿಹ
ನಿನ್ನ ನೆನಪೇ ಸಾಕೆನುವೆ ಹೋಗೋ .
......................................
...........................................

ನಿನ್ನ ಮುದ್ದು ಮೊಗ ನೋಡ್ತಾ
ನನ್ನ ಕಣ್ಣುಗಳ ಮುಚ್ಚಬೇಕು ಅನಿಸುತ್ತೆ

ನಿನ್ನ ಸವಿನುಡಿಗಳ ಆಲಿಸುತ್ತಾ
ಮೈ ಮುರಿಯಬೇಕು ಅನಿಸುತ್ತೆ
ನಿನ್ನ ಪ್ರೀತಿಯ ಸ್ಪರ್ಶದ ನೆನಪಿಗೆ
ತನು ಮನ ಅರಳಿ ಕಂಪಿಸುತ್ತೆ
ನೀ ಕುಲು ಕುಲು ನಕ್ಕರಂತೂ
ಈ ಜಗತ್ತೇ ಬೇಡವೆನಿಸುತ್ತೆ
ನಿನ್ನ ಬಿಗಿದ ಬಾಹುಗಳಲಿ ಉಸಿರು
ಕಟ್ಟಿದರೂ ಬಂಧಿಯಾಗಬೇಕೆನಿಸುತ್ತೆ
ಏನು ಹೇಳಲೋ ನನ್ನ ಗಂಧರ್ವ
ಸದಾ ನಿನ್ನ ಜೊತೇಲೆ ಇರಬೇಕೆನಿಸುತ್ತೆ .